ភ្នំពេញ: នៅរសៀលថ្ងៃទី២០ ខែវិច្ឆិកា ឆ្នាំ២០១៨នេះ ឯកឧត្តមនាយឧត្តមសេនីយ៍ មៀច សុផាន់ណា រដ្ឋលេខាធិការ និងជាប្រធានគណ:កម្មាធិការប្រយុទ្ធប្រឆាំងផលិតផលក្លែងក្លាយបានធ្វើសន្និសីទសារព័ត៌មាន ស្តីពីលទ្ធផលនៃកិច្ចប្រតិបត្តការបង្ក្រាបបទល្មើសនាំចូលរក្សាទុកឱសថខុសច្បាប់ និងអន់គុណភាព នៅទីស្តីការក្រសួងមហាផ្ទៃដែលក្រុមគណ:កម្មាធិការបង្ក្រាបបាននៅទីតាំងមួយកន្លែងក្នុងខណ្ឌសែនសុខ កាលពីថ្ងៃទី១៣ ខែវិច្ឆិកា ឆ្នាំ២០១៨ ដកហូតបានជាបណ្តោះអាសន្ននូវផលិតផលឱសថចម្រុះ១៣៨មុខ ស្មើនឹង១០,៤៦៥ប្រអប់ មានប្រហែលជា៤០តោន។
ក្រោយពីបានត្រួតពិនិត្យនូវទីតាំងខាងលើដែលនាំចូលរក្សាទុកឱសថនេះក្រុមប្រតិបត្តិការពិសេសបានរកឃើញនូវឱសថចំនួន១៣៨មុខ ហើយទទួលបានលទ្ធផលដូចខាងក្រោម៖
-ឱសថនាំចូលដោយគ្មានចុះបញ្ជីកា (Vignette)មាន២៤មុខ ស្មើនិង២០៤៣ប្រអប់ -ឱសថគ្មានបរិយាយប័ណ្ណជាភាសាខ្មែរ១៣៨មុខ ស្មើនិង១០៤៦៥ប្រអប់
-ឱសថហួសសុពលភាពប្រើប្រាស់៣៦មុខ ស្មើនិង២២៩៨ប្រអប់។
យោងតាមលទ្ធផលក្នុងការត្រួតពិនិត្យរបស់ក្រុមការងារបច្ចទេសនិងជំនាញឱសថរបស់ក្រុមប្រតិបត្តិការពិសេសគ.ប.ផ.ក ។
គ.ប.ផ.ក.បានធ្វើកាសន្និដ្ឋានបឋមដូចខាងក្រោម៖ ការដឹកជញ្ជូនមិនមានលក្ខណ:បច្ចេកទេសត្រឹមត្រូវ ឱសថចំនួន២៤មុខ គ្មានវិញ្ញាបនប័ត្រចុះបញ្ជីការ ឱសថចំនួន៣៦មុខផុតសុពលប្រើប្រាស់ ឱសថចំនួន១៣៨មុខ មិនមានសរសេរលិខិតណែនាំជាភាសាខ្មែ៕
មតិយោបល់