រតនគិរីៈ យោងតាមផេក ក្រសួងធនធានទឹក និងឧតុនិយម បានឲ្យដឹងថា ភ្លៀងបន្តធ្លាក់គ្របដណ្តប់ទូទាំងខេត្តរតនគិរី នាព្រឹកថ្ងៃទី ២៥ ខែកក្កដា នេះ ។

សូមបញ្ជាក់ជូនថា នៅទូទាំងខេត្តរតនគិរី ភ្លៀងបានចាប់ធ្លាក់ជាប់រហូតចាប់តាំងពីម៉ោងប្រមាណ ៥ ទៀបភ្លឺ ថ្ងៃទី ២៤ រហូតដល់ម៉ោងប្រមាណ ១១ ព្រឹកថ្ងៃទី ២៥ ខែកក្កដា នេះ មិនទាន់រាំងនៅឡើយ ។

ការធ្លាក់ភ្លៀងជាប់រហូតប្រមាណ ៣០ ម៉ោងមកនេះ កំពុងបង្កឲ្យផ្ទៃដីបង្កបង្កើនផលរបស់បងប្អូនប្រជាកសិករនៅតំបន់មួយចំនួន រងការលិចលង់ដោយជំនន់ទឹកភ្លៀង ៕