ភ្នំពេញៈ ករណីគ្រោះថ្នាក់ចរាចរណ៍មួយ ដោយរថយន្តមិនស្គាល់ម៉ាកបានបុកបុរសម្នាក់ចំពីមុខពេញទំហឹង បណ្ដាលឲ្យស្លាប់ភ្លាមៗនៅនឹងកន្លែង រួចបន្ថែមល្បឿនរត់បាត់ស្រមោល កាលពីយប់ថ្ងៃទី២៧ ខែវិច្ឆិកា ឆ្នាំ២០១៨ ស្ថិតនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ ។
ជនរងគ្រោះឈ្មោះ ឃី អាន ភេទប្រុស អាយុ៣០ឆ្នាំ ជនជាតិខ្មែរ មុខរបរ ធ្វើការរោងចក្រ ស្នាក់នៅជាមួយប្រពន្ធនៅភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្តាល មានស្រុកកំណើតនៅភូមិដូង ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ (ស្លាប់)។
សមត្ថកិច្ចបានឲ្យដឹងថា មុនកើតហេតុគេឃើញបុរសម្នាក់ បានជិះម៉ូតូម៉ាកហុងដាឌ្រីមសង់ ស៊េរី ២០១៥ ពណ៌ខ្មៅ ពាក់ស្លាកលេខភ្នំពេញ 1FI.8045 ធ្វើដំណើរតាមបណ្ដោយផ្លូវ ៣៦៩ ទិសដៅពីត្បូងទៅជើង លុះមកដល់ចំណុចកើតហេតុ ក៏ស្រាប់តែមានរថយន្តមួយគ្រឿង មិនចាំម៉ាក បានបុកចំពីមុខពេញទំហឹង ក្នុងទិសដៅបញ្ច្រាសទិសគ្នាពីជើងទៅត្បូងបណ្ដាលបុរសខាងលើបោកក្បាលនិងថ្នល់ ចេញខួរស្លាប់ភ្លាមៗនៅកន្លែងកើតហេតុ។
ក្រោយមកសមត្ថកិច្ច បានចុះមកដល់កន្លែងកើតហេតុ រួចធ្វើការវាស់វែង ដើម្បីកសាងសំណុំចាត់ការតាមនិតិវិធី។ ចំណែកសពជនរងគ្រោះ សមត្ថកិច្ចបានប្រគល់ជូនទៅប្រពន្ធ និងបងប្អូនយកទៅធ្វើបុណ្យតាមប្រពៃណី៕
មតិយោបល់