Post News Media ព័ត៌មានជាតិ ​ចេះតែមានហើយ!...

​ចេះតែមានហើយ! បុរសម្នាក់ទំនេរពេក ដុត​ផ្ទះ​អ្នក​ដទៃ​​ឆេះ​ខ្ទេច​

បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំង​ការិយាល័យ​ប្រឆាំង​ការ​ជួញដូរ​មនុស្ស​និង​ការពារ​អនីតិជន​ នៃ​ស្នងការដ្ឋាន​នគរបាល​ខេត្ត​ បាន​ឃាត់ខ្លួន​ជនសង្ស័យ​ម្នាក់​ក្រោយ​ដុត​ផ្ទះ​អ្នក​ដទៃ​ឲ្យ​ឆេះ​ខ្ទេច​ នៅ​ភូមិ​រំចេក​៥​ សង្កាត់​រតន​:​ ក្រុង​បាត់ដំបង​។​

​ការ​ឃាត់ខ្លួន​ជនសង្ស័យ​នេះ​ បាន​អនុវត្ត​តាម​បញ្ជា​លោក​ នួន​ សាន​ ព្រះរាជអាជ្ញា​អម​សាលាដំបូង​ ឲ្យ​ឃាត់ខ្លួន​ជនសង្ស័យ​ កាលពី​ថ្ងៃ​ទី​១៦​ ខែធ្នូ​ ឆ្នាំ​២០១៨​ វេលា​ម៉ោង​១២​និង​០៥​នាទី​ បន្ទាប់​ពី​ជនសង្ស័យ​បាន​ប្រព្រឹត្ត​នៅ​ថ្ងៃ​ទី​១៥​ ខែធ្នូ​ ឆ្នាំ​២០១៨​ វេលា​ម៉ោង​២០​និង​០០​នាទី​ នៅ​ភូមិ​រំចេក​៥​ សង្កាត់​រតន​:​ ក្រុង​បាត់ដំបង​។​

​ជនសង្ស័យ​ឈ្មោះ​ ភាព​ ដា​រា​ ភេទ​ប្រុស​ អាយុ​២៦​ឆ្នាំ​ រស់នៅ​ភូមិ​រំចេក​៣​ សង្កាត់​រតន​:​ ក្រុង​បាត់ដំបង​ ពី​បទ​ធ្វើ​ឲ្យ​ខូចខាត​ដោយ​ចេតនា​ ។​

​ករណី​នេះ​ សមត្ថកិច្ច​ជំនាញ​កំពុង​កសាង​សំណុំរឿង​បញ្ជូន​ទៅ​សាលាដំបូង​ខេត្ត​ ដើម្បី​ចាត់ការ​បន្ត​តាម​នីតិវិធី​ច្បាប់​៕