បាត់ដំបងៈ កាលពីយប់ថ្ងៃទី១៧ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តមួយគ្រឿងបើកបរក្នុងស្ថានភាពស្រវឹងធ្លាក់ភ្នែក បានជ្រុលទៅបុកអ្នកថ្មើរជើង២នាក់បណ្តាលឲ្យរងរបួសធ្ងន់២នាក់ នៅផ្លូវលេខ១៥៩C ក្រុមទី១៥ ភូមិបវេល១ ឃុំបវេល ស្រុកបវេល ខេត្តបាត់ដំបង។
ជនរងគ្រោះមានឈ្មោះ ទី សុខហេង ភេទប្រុស អាយុ៣៤ឆ្នាំ និងឈ្មោះ លឹម មួយហួរ ភេទប្រុស អាយុ៣១ឆ្នាំ រស់នៅភូមិឃុំកើតហេតុជាមួយគ្នា។ ចំណែកអ្នកបើកបររថយន្តមានឈ្មោះ យិន ឈឹងខាន់ ភេទប្រុស អាយុ៣៤ឆ្នាំ រស់នៅភូមិឃុំកើតហេតុ(បានរត់គេចខ្លួនបាត់)។
រថយន្ដបង្កម៉ាកសាំយ៉ុង ពណ៌សំបកឪឡឹក ពាក់ស្លាកលេខ បាត់ដំបង2B-5539។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការនាំយករថយន្តបង្កមករក្សាទុក នៅអធិការដ្ឋាននគរបាលស្រុកបវេល ដើម្បីរង់ចាំធ្វើការដោះស្រាយទៅតាមផ្លូវច្បាប់ ជាបន្តនៅពេលក្រោយ៕
មតិយោបល់