Post News Media ព័ត៌មានជាតិ សមត្ថកិច្ចចុះ...

សមត្ថកិច្ចចុះបង្ក្រាបទីតាំង​ចម្រាញ់​កាក​សំណល់​ប្រេង​ខ្មៅ​ដែល​ប្រើ​រួច ទៅ​ជា​ប្រេងម៉ាស៊ូត ដើម្បី​លក់​បន្ត​លើ​ទីផ្សារ

កំពង់ស្ពឺ: សមត្ថកិច្ចចុះបង្ក្រាបទីតាំង​ចម្រាញ់​កាក​សំណល់​ប្រេង​ខ្មៅ​ដែល​ប្រើ​រួច ទៅ​ជា​ប្រេងម៉ាស៊ូត ដើម្បី​លក់​បន្ត​លើ​ទីផ្សារ។

ប្រតិបត្តិការនេះធ្វើឡើងកាលពីវេលាម៉ោង១និង៣០នាទី ថ្ងៃ​ទី​២០ ខែធ្នូ ឆ្នាំ​២០១៨ ​ភូមិ​ដំណាក់​ត្រាច ឃុំ​ដំបូក​រូង ស្រុក​ភ្នំស្រួច ខេត្តកំពង់ស្ពឺ ។

ក្នុងនោះដែរ សមត្ថកិច្ចបានឆែកឆេររកឃើញ៖ ធុង​ខៀវ​ម៉ាក (Interrox st 50) ចំនួន​៥៤​ធុង ​ក្នុង​១​ធុង​មាន​ចំនួន ៣៥​គីឡូក្រាម​ , ធុង​អាស៊ីត ពណ៌​ប្រ​ផះ គ្មាន​ម៉ាក ចំនួន​១១០​ធុង ក្នុង​១​ធុង​មាន​ចំនួន​១៥​គីឡូក្រាម , ធុង​ស្តុក​ប្រេងម៉ាស៊ូត​ចំនួន​២៤​ធុង ​ចំណុះ​១​ធុង​ស្មើ ៤០០​លី​ត្រ, ស៊ីទែន​ស្តុក​ប្រេងម៉ាស៊ូត​ធំ​មាន​ចំនួន​៤ ​ចំណុះ​១៥០០០​លី​ត្រ​, ស៊ីទែន​ស្តុក​ប្រេងម៉ាស៊ូត​តូច​មាន​ចំនួន​៣ ​ចំណុះ​៣០០០​លី​ត្រ​ និង​រថយន្ត​ចំនួន​៣​គ្រឿង​ គោ​យន្ត​១​គ្រឿង ត្រូវបានសមត្ថកិច្ចដកហូត តែ​មិន​ឃាត់ខ្លួន​មនុស្ស​ឡើយ​គ្រាន់តែ​ផ្អាក​ការ​ដំណើរការ​បណ្តោះអាសន្ន​តែប៉ុណ្ណោះ ដើម្បីរង់ចាំ​សេចក្តីសម្រេច​ពី​តុលាការបន្តទៀត៕