Post News Media ព័ត៌មានជាតិ បាត់​ខ្លួន​១៣...

បាត់​ខ្លួន​១៣​ថ្ងៃ​ ប្រទះ​ឃើញ​ស្លាប់​ដោយ​ចងក​

​មណ្ឌល​គី​រី: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ស្ត្រី​ជនជាតិ​ព្នង​ម្នាក់​ ដែល​បាន​បាត់​ខ្លួន​១៣​ថ្ងៃ​ ត្រូវ​គេ​ប្រទះ​ឃើញ​ស្លាប់​ដោយ​មាន​ខ្សែចំណង​ចង​ ជាប់​នឹង​ក​នៅ​ក្នុង​ចម្ការ​។​

ហេតុការណ៍​បាន​កើតឡើង​នៅ​ក្នុង​ខេត្ត​មណ្ឌល​គី​រី​។​

ស្ត្រី​ដែល​រង​គ្រោះ​មាន​អាយុ​៤៥​ឆ្នាំ​ឈ្មោះ​ ច្រាក​ ញ៉ាប​ មុខរបរ​កសិករ​ ទីលំនៅ​បច្ចុប្បន្ន​ភូមិ​ពូ​ចា​ ឃុំ​ប៊ូ​ស្រា​ ស្រុក​ពេ​ជ្រា​ដា​ ខេត្តមណ្ឌលគិរី​ ។​

​សូមបញ្ជាក់ថា ស្ត្រី​ជាតិ​ព្នង​នេះ បាន​ចេញពីផ្ទះ​កាលពី​ថ្ងៃ​ទី​៦​ធ្នូ​ ដោយ​មិនដឹង​ថា​ធ្វើ​ដំណើរ​ទៅ​ទីណា​ឡើយ​។​ បង​ប្អួ​ន​សាច់ញាតិ​បាន​ខិតខំ​ដើរ​រក​ ប៉ុន្តែ​រក​មិនឃើញ​ឡើយ​។​ រហូត​ដល់​ល្ងាច​ម៉ោង​ប្រមាណ​៦​កន្លះ​ថ្ងៃ​ទី​១៩​ធ្នូ​ អ្នកស្រុក​បាន​ប្រទះ​ឃើញ​សព​របស់​គាត់​ ស្លាប់​ដោយ​ចងក​នៅ​ចំណុច​ចម្ការ​ចាស់​អូ​ឆុង​ ស្ថិត​នៅ​ភូមិ​ពូ​លុ​ ឃុំ​ប៊ូ​ស្រា​ ស្រុក​ពេ​ជ្រា​ដា​។​

​សាច់ញាតិ​របស់​ជន​រង​គ្រោះ​បាន​ប្រាប់​សមត្ថកិច្ច​ថា​ ជន​រង​គ្រោះជា​មនុស្ស​មាន​អ​កា​រ:​ និង​សតិ​មិន​នឹងន​ ឃើញ​អ្នក​ដ៍ទៃ​ចេះ​តែ​ភ័យ​ខ្លាច​ នឹង​ចេះ​តែ​រត់គេច​ ។​

​សមត្ថកិច្ច​ជំនាញ​បាន​ធ្វើ​កោសល្យវិច័យ​ និង​បញ្ជាក់​ថា​ ជន​រង​គ្រោះ​ពិតជា​ស្លាប់​ ដោយសារ​ការ​ចងក​សម្លាប់​ខ្លួនឯង​ពិតប្រាកដ​មែន​ ៕