កំពង់ចាមៈ ជនសង្ស័យជាស្ត្រីម្នាក់ រួមនិងប្តីត្រូវបានសមត្ថកិច្ចចាប់ខ្លួនបាន ខណៈដែលកំពុងចេញទៅដកលុយនៅផ្ទះវេរលុយមួយកន្លែង ពាក់ព័ន្ធករណីឆបោកលុយតាមទូរសព្ទ។
សូមបញ្ជាក់ថា ជនសង្ស័យជាប្រពន្ធមានឈ្មោះ ប៉ោ សម្បត្តិ អាយុ៤៣ឆ្នាំ នៅភូមិស្វាយក្រោម ឃុំស្វាយសាច់ភ្នំ ស្រុកស្រីសន្ធរ និងប្តីមានឈ្មោះសឿ សុធី អាយុ៤១ឆ្នាំ បានឆបោកលុយពីអាជីវករលក់គ្រឿងទេសម្នាក់ នៅឃុំព្រែកដំបូក ស្រុកស្រីសន្ធរ ចំនួន ៦៥,០០០ដុល្លារ តាំងពីឆ្នាំ២០១៦ -២០១៧ ឯណោះ។
ចំណែកជនរងគ្រោះមានឈ្មោះ ជី ហ៊ាង អាយុ៥២ឆ្នាំ បានដាក់ពាក្យបណ្តឹងកាលពីថ្ងៃទី១៨ ខែធ្នូ ឆ្នាំ២០១៨។
បច្ចុប្បន្នសមត្ថកិច្ចកំពុងកសាងសំណុំរឿងចាត់ការតាមច្បាប់បន្តទៀត៕
មតិយោបល់