Post News Media ព័ត៌មានជាតិ រថយន្ដ​​ហាយឡែ...

រថយន្ដ​​ហាយឡែនឌ័រ ស្លាក​លេខ​ ភ្នំពេញ​ 2AI-3913 បត់​ឆ្លង ម៉ូតូមកលឿនបុកពេញទំហឹងរបួស​២​នាក់​

កណ្ដាល: ​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា មានករណីរថយន្ដ​មួយ​គ្រឿង​ បើក​បត់​ឆ្លងផ្លូវ​មិន​ប្រយ័ត្ន​ បណ្ដាល​ឲ្យ​ម៉ូតូ​មួយ​គ្រឿង​ទៀត ​បើក​ដោយ​ល្បឿន​លឿន​ឈប់​មិន​ទាន់​ បាន​បុក​ចំ​ពីមុខ​ពេញ​មួយ​ទំហឹង​ ធ្វើ​ឲ្យ​អ្នកបើកបរ​និង​អ្នក​រួម​ដំណើរ​ទទួល​រង​របួសធ្ងន់​ស្រាល​២​នាក់​។

ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​នៅ​វេលា​ម៉ោង​១០​និង​០៥​នាទី​ ថ្ងៃ​ទី​២១​ ខែធ្នូ​ ឆ្នាំ​២០១៨​ លើ​កំណាត់​ផ្លូវជាតិ​លេខ​១​ ត្រង់​ចន្លោះ​គីឡូម៉ែត្រ​លេខ​២៦-២៧​ ​ក្នុងភូមិ​ស្តៅ​កន្លែង​៣​ ឃុំ​ដីឥដ្ឋ​ ស្រុក​កៀនស្វាយ​ ។​

ជន​រង​គ្រោះ​ឈ្មោះ​ ណា​ក់​ សាក់​ ភេទ​ប្រុស​ អាយុ​១៨​ឆ្នាំ​ ជា​អ្នក​បើក​ម៉ូតូ​ម៉ាក​ហុងដា​ឌ្រី​ម​ ធុន​សេ​១២៥​ ពណ៌​ខ្មៅ​ ស៊េរី​ឆ្នាំ​២០១៦​ ពាក់​ស្លាក​លេខ​ព្រៃវៃង​1J-3664​ (​រង​របួសស្រាល​)​ មាន​អ្នក​រួម​ដំណើរ​ម្នាក់​ឈ្មោះ​ ម៉េ​ង​ ឡេ​ង​ ភេទ​ប្រុស​ អាយុ​១៤​ឆ្នាំ​ (​រង​របួសធ្ងន់​បាក់ជើង​ស្ដាំ​)​ ។​ ជន​រង​គ្រោះ​ទាំង​២​នាក់​មាន​ទីលំនៅ​ភូមិ​ព្រែក​ត្រែង​ ឃុំ​សំរោង​ធំ​ ស្រុក​កៀនស្វាយ​ ខេត្តកណ្តាល​ ។ ចំណែក​រថយន្ដ​ម៉ាក​TOYOTA​ HIGHLANDER​ ពណ៌​ទឹកមាស​ ពាក់​ស្លាក​លេខ​ ភ្នំពេញ​ 2AI-3913​ បើកបរ​ដោយ​ជន​ពុំ​ស្គាល់​អត្តសញ្ញាណ​ រត់គេច​ខ្លួន​ក្រោយ​មាន​ហេតុការណ៍​កើតឡើង​ ។​

នៅ​មុន​ពេល​កើតហេតុ​ សាក្សី​បានឃើញ​រថយន្ដ​មួយ​ម៉ាក​ TOYOTA​ HIGHLANDER​ ខាងលើ​ បើកបរ​តាម​បណ្ដោយ​ផ្លូវជាតិ​លេខ​១​ ក្នុង​ទិស​ដៅ​ពី​ត្បូង​ទៅ​ជើង​ លុះ​មក​ដល់​ចំណុច​កើតហេតុ​ រថយន្ដ​ TOYOTA​ HIGHLANDER​ បាន​បត់​ឆ្លងផ្លូវ​ ខណ:នោះ​ក៏​មាន​ម៉ូតូ​មួយ​គ្រឿង​បើកបរ​ក្នុង​ទិស​ដៅ​ពី​ភ្នំពេញ​ទៅ​អ្នក​លឿង​ បើក​ដោយ​ល្បឿន​លឿន​ ក៏​ឈប់​មិន​ទាន់​បាន​បុក​រថយន្ដ​ចំ​ពីមុខ​ពេញ​មួយ​ទំហឹង​ បណ្ដាល​ឲ្យ​ជន​រង​គ្រោះជា​អ្នកបើកបរ​ម៉ូតូ​រង​របួសស្រាល​។ រីឯ​អ្នក​រួម​ដំណើរ​រង​របួសធ្ងន់​បាក់ជើង​ខាងស្ដាំ​ ។​ ចំណែក​អ្នកបើកបរ​រថយន្ដ​បាន​ទុក​រថយន្ដ​របស់​ខ្លួន​ចោល​ រួច​រត់គេច​ខ្លួន​បាត់​ស្រមោល​។​

​ ​ក្រោយ​ពី​មាន​ហេតុការណ៍​កើតឡើង​ កម្លាំង​សមត្ថកិច្ច​នគរបាល​ចរាចរណ៍​ស្រុក​កៀនស្វាយ​បាន​ចុះ​ធ្វើការ​ពិនិត្យ​វាស់វែង​ កន្លែង​កើតហេតុ​ រួច​កសាង​សំណុំរឿង​ដកហូត​យក​មធ្យោបាយ​ពាក់ព័ន្ធ​ទាំង​២​គ្រឿង​យក​ទៅ​រក្សា​ទុក​នៅ​អធិការដ្ឋាន​នគរបាល​ស្រុក​ ដើម្បី​ចាត់ការ​តាម​នីតិវិធី​ច្បាប់​។​ ចំពោះ​ជន​រង​គ្រោះ​រង​របួសធ្ងន់​ ត្រូវ​បាន​រថយន្ដ​សា​មុ​យ​ដឹក​បញ្ជូន​យក​ទៅ​សង្គ្រោះ​នៅ​មន្ទីរពេទ្យ​រាជធានី​ភ្នំពេញ​ ៕​