តាកែវ: កាលពីវេលាម៉ោង១យប់ រំលងអធ្រាត្រឈានចូលថ្ងៃទី២២ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូរ៉ឺម៉កបើកបរបញ្ច្រាសទិសគ្នា នៅលើផ្លូវជាតិលេខ២ ចន្លោះគីឡូម៉ែត្រ៥០-៥១ ភូមិថ្មី ឃុំរវៀង ស្រុកសំរោង ខេត្តតាកែវ។
នៅមុនពេលកើតហេតុ មានរថយន្តហាយឡែនឌ័រ ពណ៌ទឹកប្រាក់ ស្លាកលេខភ្នំពេញ3AQ-9465
បើកបរពីជើងទៅត្បូងបានបុកគ្នាជាមួយម៉ូតូរ៉ឺម៉ក ហុងដា សេ១០០ គ្មានស្លាកលេខ បើកបរដោយឈ្មោះ ប៊ិន ឌីណា ភេទប្រុស អាយុ៣៥ឆ្នាំ មុខរបរកសិករ មានទីលំនៅភូមិផ្សារតាកោ ឃុំរកាក្នុងក្រុងដូនកែវ ខេត្តតាកែវ បានរងរបួសស្រាល យកទៅព្យាបាលពេទ្យឯកជននៅផ្ទះ។ ចំណែកអ្នកបើកបររថយន្តរត់គេចខ្លួនបាត់។
មូលហេតុ អ្នកបើកបររថយន្តបើកលឿនខ្វះការប្រុងប្រយ័ត្ន។
ករណីនេះ វត្ថុតាងយកមករក្សាទុកនៅអធិការដ្ឋាននគរបាលស្រុកសំរោងនិងកំពង់ស្រាវជ្រាវបំពេញសំណុំរឿងតាមនិតិវិធី៕
មតិយោបល់