(ញូដេលី)៖ អ្នកឆ្លងជំងឺ COVID-19 សរុប ៣៨២,៣១៥នាក់ទៀតត្រូវបានរកឃើញ និងអ្នកជំងឺ ៣,៧៨០នាក់បាត់បង់ជីវិត ក្នុងរយ:ពេល២៤ម៉ោងកន្លងទៅនេះ នៅក្នុងប្រទេសឥណ្ឌា ខណ:នាយករដ្ឋមន្ត្រីលោក ណារិន ដ្រាម៉ូឌី កំពុងប្រឈមមុខនឹងការទាមទារឱ្យចុះចេញពីតំណែង។

ក្រោយការបូកសរុបទិន្នន័យថ្មីៗខាងលើនេះ ធ្វើឲ្យចំនួនករណីឆ្លង COVID-19 សរុបទូទាំងប្រទេសឥណ្ឌាកើនឡើងដល់ ២០,៦៥៨,២៣៤ករណី ក្នុងនោះមានអ្នកស្លាប់សរុប ២២៦,១៦៩នាក់ និងជាសះស្បើយឡើងវិញជិត ១៧លាននាក់។

ចំណែកឯ អ្នកជំងឺកំពុងសម្រាកព្យាបាល និងរង់ចាំការព្យាបាលមានរហូតដល់ទៅ ៣.៥លាននាក់ឯណោះ ដែលកំពុងដាក់បន្ទុកកាន់តែធ្ងន់ ដល់វិស័យសុខាភិបាលទូទាំងប្រទេស ខណ:អុកស៊ីសែននៅតែខ្វះខាត និងគ្មានគ្រែសម្រាប់ទទួលអ្នកជំងឺថ្មីៗ៕

Reuters៖ ថ្ងៃទី០៥ ខែឧសភា ឆ្នាំ២០២១