បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យម្នាក់ ត្រូវបានកម្លាំងនគរបាលស្រុកភ្នំព្រឹកឃាត់ខ្លួន ពាក់ព័ន្ធករណីលួចម៉ូតូ ។ ការឃាត់ខ្លួនជនសង្ស័យនេះ បានធ្វើឡើងកាលពីថ្ងៃទី២១ ខែធ្នូ ឆ្នាំ២០១៨ វេលាម៉ោង៣និង០០នាទី នៅចំណុចក្នុងបរិវេណកាស៊ីណូហ្គោលដិនខាសល ស្ថិតក្នុងភូមិអូរថ្មី ឃុំពេជ្រចិន្តា ស្រុកភ្នំព្រឹក ។
តាមរបាយការណ៍របស់អធិកាដ្ឋានស្រុកភ្នំព្រឹកបានឲ្យដឹងថា ជនសង្ស័យឈ្មោះ ស រឿន ភេទប្រុស អាយុ៣៤ឆ្នាំ រស់នៅភូមិគ្រួសក្រហម ឃុំអូររំដួល ស្រុកភ្នំព្រឹក បានលួចម៉ូតូម៉ាកអាយខុន របស់ឈ្មោះជិន មេឃ ភេទប្រុស អាយុ២១ឆ្នាំ មានទីលំនៅភូមិភ្នំតូច ឃុំពេជ្រចិន្តា ស្រុកភ្នំព្រឹក ។
ករណីនេះ សមត្ថកិច្ចឃាត់ខ្លួនជនសង្ស័យ និងដកហូតម៉ូតូ១គ្រឿងមកវិញ និងកសាងសំណុំរឿង និងបញ្ជូនខ្លួនជនសង្ស័យទៅសាលាដំបូងខេត្តបាត់ដំបង៕
មតិយោបល់