រតនគិរីៈ ម៉ូតូសិស្សសាលាម្នាក់ជិតដល់ម៉ោងចូលរៀនបើកបរក្នុងល្បឿនលឿនក្នុងទិសដៅពីលិចទៅកើតតាមបណ្តោយផ្លូវជាតិលេខ៧៨ ខណៈមកដល់ចំណុចកើតហេតុផ្លូវបែកជាបួនទល់មុខមន្ទីរឧស្សាហកម្មខេត្ត ស្តិតក្នុងភូមិជ័យជំនះសង្កាត់ឡាបានសៀក ក្រុងបានលុង ក៏ត្រូវរថយន្តបុកចំយ៉ាងពេញទំហឹង បណ្តាលឲ្យផ្លោងទាំងម៉ូតូក្បែររបងមន្ទីរឧស្សាហកម្មខេត្តរងរបួសធ្ងន់ធ្ង រ(ខ្ចេចឆ្អឹងជើងឆ្វេង)ទាំងស្រុង។ ត្រូវរថយន្តនគបាលចរាចរណ៍ផ្លូវគោកដឹកបញ្ជូនភ្លាមៗទៅកាន់មន្ទីរពេព្យបង្អែកខេត្ត ដើម្បីសង្គ្រោះបន្ទាន់ ចំណែករថយន្តបង្កបន្តែមល្បឿនបើករត់គេចបាត់ស្រមោលតែម្តង។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង១និង១០នាទីថ្ងៃទី៥ ខែកក្កដា ឆ្នាំ២០១៦។ តាមសាក្សីនៅកន្លែងកើតខាងលើបានឲ្យដឹងថា ម៉ូតូជនរងគ្រោះម៉ា យូដុក ពណ៌ខ្មៅពាក់ស្លាកលេខភ្នំពេញ១cs-៦៨០៣ បើកបរដោយយុវសិស្សម្នាក់ឈ្មោះ យ៉ា ដានភេទប្រុស អាយុ១៦ឆ្នាំជនជាតិខ្មែរ ជាសិស្សរៀនថ្នាក់ទី៩B នៅវិទ្យាល័យសម្តេចឪសម្តេចម៉ែ និងមានទីលំនៅភូមិ៧មករា សង្កាត់ឡាបានសៀក។

ប្រភពបន្តថា នៅវេលាម៉ោងខាងលើឃើញម៉ូតូជនរងគ្រោះបើកបរល្បឿនលឿនលើផ្លូវអតិភាពប្រញាប់ចូលរៀនម៉ោងថ្ងៃត្រង់ តែចៃដន្យត្រូវរថយន្តបង្កម៉ាកលុចស៊ីសមិនចាំស្លាកលេខមិនស្គាល់អត្តសញ្ញណអ្នកបើកបរក្នុងទិសដៅពីជើងទៅត្បូងខ្វះការប្រុងប្រយ័ត្នត្រង់ចំណុចផ្លូវបែកជាបួន ទៅបុកចំម៉ូតូសិស្សតែម្តង។

ក្រោយពេលកើតហេតុនគបាលចរាចរណ៍ជើងគោកបានចុះមកធ្វើការវាស់វែង ហើយនាំយកម៉ូតូជនរងគ្រោះទៅរក្សាទុកនៅការិយាល័យចរាចរណ៍រងចាំដោះស្រាយជាក្រោយ ។ រីឯរថយន្តបង្កសមត្តកិច្ចកំពុងដុតដៃដុតជើងស្វះស្វែងរកគ្រប់ច្រកផ្លូវដើម្បីឃាត់នឹងឲ្យចូលខ្លួនមកដោះស្រាយតាមផ្លូវច្បាប់ចរាចរណ៍៕

https://youtu.be/CmZe3lCxeXE