ភ្នំពេញ: កាលពីវេលាម៉ោង១២យប់ ថ្ងៃទី២២ ខែធ្នូ ឆ្នាំ២០១៨ មានករណីភ្ញាក់ផ្អើលមួយបានកើតឡើង ក្រោយពីមានបុរសជាមន្ត្រីនគរបាលម្នាក់ ខឹងនាំស្រីស្អាតជាសង្សារគេ ទៅរួមភេទមិនបាន ផ្ទុះហិង្សាវាយតប់គ្នា ស្រាប់តែបុរសជាមន្ត្រីនគរបាលនោះ បានដកកាំភ្លើងវាយបុរសជាសង្សារនារីខាងលើបែកក្បាលហូរឈាម ហើយ រួចរត់ឡើងរថយន្តបើកចេញទៅបាត់ នៅតាមបណ្ដោយផ្លូវ២៧១ មុខផ្ទះសំណាក់យីហោហ្គ្រីន ផាក ភូមិ៦ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
ជនសង្ស័យមានឈ្មោះ ជ័យ វុទ្ធី ភេទប្រុស អាយុ២៣ឆ្នាំ មុខរបរមន្ត្រីនគរបាល ពាក់ស័ក្តិ៣។
ក្រោយពេលកើតហេតុ ជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលស្ទឹងមានជ័យ២ ដើម្បីឲ្យសមត្ដកិច្ចជួយអន្តរាគមន៍តែម្តង។
បច្ចុប្បន្ន សមត្ថកិច្ចកំពុងធ្វើការស្រាវជ្រាវ ចាប់ជនសង្ស័យយកមកផ្តន្ទាទោសតាមផ្លូវច្បាប់៕
មតិយោបល់