ព័ត៌មានជាតិ

​មន្រ្តីយោធាម្នាក់ ចេញពីក្លឹបកម្សាន្តepic ត្រូវក្រុមក្មេងស្ទាវជិះម៉ូតូដេញ ភ័យពេកបើករថយន្តគេចបុកបង្គោលភ្លើង!

ភ្នំពេញ: កាលពីវេលាម៉ោង២និង២០នាទីទៀបភ្លឺ ថ្ងៃទី២៦ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តមួយគ្រឿងបើកបុកបង្គោលភ្លើង ខណ:ដែលរថយន្តនោះ​បាន​គេច​ពី​ក្រុម​ក្មេង​ស្ទាវ ដែល​ជិះ​ម៉ូតូ​ប្រដេញ​គ្នា ក៏​បណ្តាល​ឲ្យរថយន្ត​បុក​​បង្គោល​ភ្លើង រង​ការ​ខូចខាត​យ៉ាងដំណំ នៅ​ជើង​ផ្សា​របឹង​កេងកង សង្កាត់​បឹង​កេងកង​១ ខណ្ឌចម្ការមន រាជធានីភ្នំពេញ​។ ​

​​ម្ចាស់​រថយន្ត​ខាងលើមាន​ឈ្មោះ​ ម៉ី វិចិត្រ ជា​មន្ត្រី​កង​យោធពលខេមរភូមិន្ទ​ បើករថយន្ត​ម៉ាក​កា​ម​រី​បា​ឡែ​ន ពណ៌​ស ពាក់​ស្លាក​លេខ ភ្នំពេញ​2AQ-0258​។

យោងតាម​ប្រភព​ពីម្ចាស់រថយន្តបានឲ្យដឹងថា នៅមុន​កើតហេតុ គឺ​រូប​គាត់និងមិត្តភក្តិ​នៅ​លេង​ក្នុង​ក្លឹ​ប​កម្សាន្តepic ​រួច​ហើយ​រូបគាត់​​បាន​ចេញ​មក​មុន ដោយ​បើករថយន្ត​ខាងលើ ស្រាប់តែ​មាន​ក្រុម​ម៉ូតូ​ក្មេង​ស្ទាវ​ជិះ​ម៉ូតូ​ប្រដេញ​គ្នា​មក​ប៉ះ​រថយន្ត ធ្វើ​ឲ្យ​​​គាត់​ភ័យ ក៍៏បើករថយន្ត​គេច​ចេញ ស្រាប់តែ​មក​បុក​បង្គោល​ភ្លើង​បែប​នេះ​តែ​ម្ដង​។

បច្ចុប្បន្ន រថយន្ដ​​​ត្រូវ​បានសមត្ថកិច្ចនាំ​យក​មក​រក្សា​ទុក​នៅ​ការិយាល័យ​នរ​គ​របាល​ចរាចរ​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ​ ដើម្បី​ដោះស្រាយ​គ្នា​តាម​ក្រោយ​​​៕​

មតិយោបល់