កណ្តាលៈ នៅវេលាម៉ោង១០និង៣០នាទីព្រឹក ថៃ្ងទី២៩ ខែធ្នូ ឆ្នាំ២០១៨ មានករណីអគ្គិភ័យឆេះផ្ទះប្រជាពលរដ្ឋអស់មួយខ្នង នៅភូមិទឹកជា ឃុំពើក ស្រុកអង្គស្នួល ខេត្តកណ្ដាល។
ដោយមានការបញ្ជាផ្ទាល់ពីលោកអធិការ ស្រុកអង្គស្នួល កម្លាំងអន្តរាគមន៍របស់ អធិការដ្ឋាននគរបាលស្រុកអង្គស្នួលបានចេញប្រតិបត្ដការ-សហការជាមួយកម្លាំងប៉ុស្ដិ៍ពើក ប៉ុស្ដិ៍ព្រៃពួច ប្រជាការពារទាំង២ឃុំ នឹងប្រជាពលរដ្ឋ បានជួយពន្លត់ ភ្លើងឆេះ នៅចំណុចខាងលើ ដោយប្រើរថយន្តពន្លត់អគ្គិភ័យរបស់ការិយាល័យខេត្ត អស់ចំនួន២គ្រឿង ប្រើប្រាស់ទឹក អស់ចំនួន២ស៊ឺទែន បានរលត់ជាស្ថាពរ។
ម្ចាស់ផ្ទះឈ្មោះ ណុក ណាក់ ភេទប្រុស អាយុ៥៤ឆ្នាំ ប្រពន្ធឈ្មោះ ត្រេន ផល ភេទស្រី អាយុ ៥២ឆ្នាំ មុខរបរកសិករ។
ខូចខាត ផ្ទះទំហំ ៥ម៉ែត្រគុណ៦ម៉ែត្រ ប្រភេទឈើជញ្ជាំងស័ង្កសី ប្រក់សង្ក័សី និងសម្ភារៈប្រើប្រាស់ក្នុងផ្ទះឆេះទាំងស្រុង។
មូលហេតុ ទុស្សេខ្សែភ្លើង៕
មតិយោបល់