អ៊ីស្រាអែល: កងកម្លាំងការពារអ៊ីស្រាអែល (IDF) បាននិយាយថា ពួកគេបានរកឃើញការបាញ់រ៉ុកកែត នៅតំបន់ហ្គាហ្សាស្ទ្រីប ដែលជាការវាយប្រហារលើកដំបូង ចេញពីប៉ាឡេស្ទីន នៅលើទឹកដីអ៊ីស្រាអែល អស់រយ:ពេលជាងមួយខែ ដោយពួកគេ បានធ្វើការឆ្លើយតបទៅវិញ តាមរយ:ការវាយប្រហារក្រុមហាម៉ាស នៅភាគខាងត្បូងនៃតំបន់ហ្គាហ្សា។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី២៩ ខែធ្នូ ឆ្នាំ២០១៨។

IDF បានសរសេរនៅលើ Twitter ថា «កាលពីប៉ុន្មានឆ្នាំមុន គ្រាប់រ៉ុកកែត ដែលបាញ់បង្ហោះនោះ ត្រូវបានគេដឹងថា ចេញពីទីតាំងតំបន់ហ្គាហ្សា ទៅកាន់អ៊ីស្រាអ៊ែល»។

ទន្ទឹមនឹងនេះដែរ ប្រព័ន្ធផ្សព្វផ្សាយអ៊ីស្រាអែល បានរាយការណ៍ថា គ្រាប់រ៉ុកកែតនេះ ត្រូវបានគេបាញ់នៅលើតំបន់ ដែលគ្មានមនុស្សរស់នៅ ក្នុងតំបន់ក្រុមប្រឹក្សា Shaar HaNegev ។ ការបាញ់នេះ ពុំបានបណ្តាលឲ្យមានមនុស្សស្លាប់ និងរបួសនោះទេ៕