ផ្ទះ ព័ត៌មានជាតិ រថយន្តស៊េរី​ទ...

រថយន្តស៊េរី​ទំនើប​ម៉ាក PORSCHE ស្លាក​លេខ ​2AJ-7162 បុកម៉ូតូសង់ ស្លាប់យុវជន២នាក់មួយរំពេច!

0

បាត់ដំបង: មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តស៊េរី​ទំនើប​ម៉ាក PORSCHE ព​ណ៌​ស ​ពាក់​ស្លាក​លេខ ​2AJ-7162 ​បើកបរ​ដោយ​ជនជាតិ​ចិន​២​នាក់​ប្ដី​ប្រពន្ធ បានបុកម៉ូតូ​ម៉ាក​ហុងដា​ឌ្រី​ម ពាក់​ស្លាក​លេខ ប៉ៃលិន​ 1B-3337 ដែលកំពុងជិះក្នុងទិសដៅបញ្ច្រាសទិសគ្នាពេញទំហឹង បណ្តាលឲ្យក្មេង​ប្រុស​ជំទង់​២​នាក់ស្លាប់យ៉ាងអាណោចអាធ័ម។

ហេតុការណ៍នេះកើតឡើងនៅម៉ោង៦និង១០នាទី ថ្ងៃទី៣០ ខែធ្នូ ឆ្នាំ២០១៨ ភូមិ​ស្វាយ​ធំ ឃុំ​បឹង​រាំង ស្រុក​កំ​រៀង ខេត្តបាត់ដំបង។

ក្រោយកើតហេតុ អ្នកបើកបររថយន្ត រួមទាំងរថយន្តត្រូវបានសមត្ថកិច្ច​ឃាត់​នៅ​អធិការ​ស្រុក​កំ​រៀង និងធ្វើការវាស់វែងយកម៉ូតូនិងរថយន្តមករក្សាទុក រង់ចាំដោះស្រាយគ្នាតាមច្បាប់ ចំណែកសពត្រូវបានសមត្ថកិច្ចប្រគល់ឲ្យគ្រួសារធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.