ភ្នំពេញៈ កាលពីវេលាម៉ោង៣ទៀបភ្លឺ ថ្ងៃទី០១ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយបានកើតឡើង ដោយមានជនជាតិចិនប្រុសស្រី២នាក់ ស្រវឹង បើករថយន្តស៊េរីទំនើបមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2AZ-3333 ក្នុងល្បឿនលឿនបុកទ្រូងផ្លូវ រួចជ្រុលទៅបុករទេះលក់សាច់អាំង បណ្ដាលឲ្យរងការខូចខាត នៅតាមបណ្ដោយ មហាវិថីព្រះមុនីវង្ស មុខភោជនីយដ្ឋានបង្កងនាគ សង្កាត់បឹងកេងកង១ ខណ្ឌចំការមន រាជធានីភ្នំពេញ។
ក្រោយពេលកើតហេតុ សមត្ថកិច្ចបានចុះមកដល់កន្លែងកើតហេតុ រួចធ្វើការស្ទូចយករថយន្តទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយ ទៅតាមផ្លូវច្បាប់នៅពេលក្រោយ៕
មតិយោបល់