Post News Media ព័ត៌មានជាតិ ​សុំលុយឪពុកចុ...

​សុំលុយឪពុកចុង១០ដុល្លារមិនឲ្យ ​ទៅប្រាប់ម្តាយបង្កើតថាឪពុកឲ្យយក៣០ដុល្លារ​​ ចុងក្រោយ​ចូលប៉ុស្តិ៍ទាំងអស់គ្នា!

ភ្នំពេញ: ជនសង្ស័យ២នាក់ ត្រូវបានសមត្ថកិច្ចឃាត់ខ្លួន កាលពីវេលាម៉ោង៨​យប់ ថ្ងៃទី៣១ ខែធ្នូ ឆ្នាំ២០១៨
ពាក់ព័ន្ធនឹងករណីអំពើហិង្សាដោយចេតនា(យកកៅអីវាយបណ្តាលឲ្យរបួស) នៅ​ក្នុងការ៉ាស់ជួសជុលរថយន្ត ផ្លូវ២០០២ ភូមិផ្សាទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ជនសង្ស័យចំនួន​២នាក់់ ទី១.ឈ្មោះ ប៉ាង មុំ ភេទប្រុស អាយុ២៧ឆ្នាំ មុខរបរជាងជួសជុលរថយន្ត ស្នាក់នៅក្នុងការ៉ាស់ជួសជុលរថយន្ត​ ផ្លូវ២០០២ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ (គ្មានសារធាតុញៀន)។ និងទី២.ឈ្មោះ ឡៃ វិឆ័យ ភេទប្រុស អាយុ៣៨ឆ្នាំ មុខរបរជាងជួសជុលរថយន្ត ស្នាក់នៅ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ (គ្មានសារធាតុញៀន)។

ចំណែក​ជនរងគ្រោះមានឈ្មោះ ខុម សុខហេង ភេទប្រុស អាយុ១៦ឆ្នាំ ជនជាតិខ្មែរ មុខរបរជាងជួសជុលរថយន្ត ស្នាក់នៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ (របួសក្បាលផ្នែកមុខចំហៀងខាងស្តាំប្រវែង៥សង់ទីម៉ែត្រ)។

នៅមុនពេលកើតហេតុ ជនរងគ្រោះជាកូនជាងរបស់ជនសង្ស័យ ឡៃ វិឆ័យ រួចជនរងគ្រោះបាននិយាយទៅជនសង្ស័យឈ្មោះ ឡៃ វិឆ័យ ដែលជាឪពុកចុង សុំលុយចំនួន១០ដុល្លារ តែជនបង្កពុំឲ្យ ក្រោយមកជនរងគ្រោះបានជិះម៉ូតូចេញពីក្នុងការ៉ាស់ជួសជុលរថយន្តទៅផ្ទះរបស់ខ្លួននៅសង្កាត់ស្ទឹងមានជ័យ រួចប្រាប់ម្តាយខ្លួនថាឪពុកចុងរបស់ខ្លួនឲ្យយកលុយចំនួន៣០ដុល្លារ តែម្តាយមិនឲ្យលុយ ជនរងគ្រោះក៏ជិះម៉ូតូមកការ៉ាស់ជួសជុលរថយន្តវិញ បានមួយសន្ទុះម្តាយរបស់ជនរងគ្រោះបានមកដល់ការ៉ាស់ជួសជុលរថយន្តនិយាយគ្នាទៅវិញទៅមក ស្រាប់ឈ្មោះ ឡៃ វិឆ័យ ស្ទុះទៅវាយជនរងគ្រោះ ហើយឈ្មោះ ប៉ាង មុំ ក៏ស្ទុះទៅវាយជនរងគ្រោះបន្ថែមហើយឈ្មោះ ឡៃ វិឆ័យ បានទៅយកកៅអីវាយជនរងគ្រោះចំក្បាលឲ្យរបួស។ ស្របពេលនោះក៏មានកម្លាំងល្បាតប៉ុស្តិ៍ទឹថ្លាបានល្បាតដល់ចំណុចកើតហេតុឃើញហេតុការណ៍ក៏បាននាំខ្លួនជនសង្ស័យទាំង២នាក់មកធ្វើការសាកសួរនៅប៉ុស្តិ៍ទឹកថ្លាតែម្តង។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់ ៕

Loading...