Post News Media ព័ត៌មានជាតិ ជនជាតិ​ចិន​ម្...

ជនជាតិ​ចិន​ម្នាក់​ ជាកម្មករ​ជាងឈើ​នៅ​បុរី​គុ​ជ​អាស៊ី ដួល​ផ្កាប់មុខ​ស្លាប់​ នៅ​ក្រុងព្រះសីហនុ

ព្រះ​សីហ​នុ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​៣​ ខែមករា​ ឆ្នាំ​២០១៩​ វេលា​ម៉ោង​០២​និង​៣០​នាទី​យប់​រំលង​អា​ធ្រា​ត្រ​ មាន​ករណី​ជនជាតិ​ចិន​ម្នាក់​ ដួល​ផ្កាប់មុខ​ស្លាប់​ នៅ​ចំណុច​ទ្រូងផ្លូវ​២​ធ្នូ​ ទល់មុខ​ដំណាក់​ស្តេច​ ក្នុង​ក្រុម​៣០​ ភូមិ​៣​ សង្កាត់​៣​ ក្រុងព្រះសីហនុ​ ហើយ​ត្រូវ​បាន​រថយន្ត​គ្លីនិក​៨៨៨​ មក​ដឹក​យក​ទៅ​សង្គ្រោះ​នៅ​គ្លីនិក​មិត្តភាព​ ស្ថិត​ក្រុម​៣​ ភូមិ​២​ សង្កាត់​១​ ក្រុងព្រះសីហនុ​ ហើយ​ក៏​បាន​ស្លាប់​នៅ​លើ​ រថយន្ត​សង្គ្រោះ​តែ​ម្តង​។​

​តាម​ការ​ពិនិត្យ​របស់​សមត្ថកិច្ច​ជំនាញ​ជន​រង​គ្រោះ​ឈ្មោះ​ ZHU​ YONGAN​ ភេទ​ប្រុស​ អាយុ​៣៦​ឆ្នាំ​ មុខរបរ​កម្មករ​ជាងឈើ​ នៅ​បុរី​គុ​ជ​អាស៊ី​ ក្នុង​សង្កាត់​៣​ ក្រុងព្រះសីហនុ​។​

​តាម​ការ​សន្និដ្ឋាន​ សាកសព​ស្លាប់​ដោយសារ​ការ​ប៉ះ​ទ​ង្កិ​ច​ចំ​ក្បាល​ធ្ងន់ធ្ងរ​។​ បច្ចុប្បន្ន​សាកសព​បាន​យក​ទៅ​តម្កល់​ទុក​នៅ​មន្ទីរពេទ្យ​បង្អែក​ខេត្ត​ រង់ចាំ​ការ​សម្រេច​ពី​ស្ថានទូត​៕

Loading...