ឧត្តរមានជ័យៈ កាលពីព្រឹកថ្ងៃទី០៧ ខែមករា ឆ្នាំ២០១៩ មានករណីប្រទះឃើញសពបុរសម្នាក់នៅកណ្តាលព្រៃ ភូមិរំចេក ឃុំអន្លង់វែង ស្រុកអន្លង់វែង ខណៈដែលបាត់ខ្លួន៣ថ្ងៃ។
សពជនរងគ្រោះឈ្មោះ ប៊ូ សុខជាតិ ភេទប្រុសអាយុ៣៧ឆ្នាំ រស់នៅភូមិរំចេក ឃុំអន្លង់វែង ស្រុកអន្លង់វែង។
ប្រពន្ធឈ្មោះ រូល អាយុ២៥ឆ្នាំមានកូនក្នុងបន្ទុកចំនួន៦នាក់។
បើតាមការប្រភពពីក្រុមគ្រួសារសព បានឲ្យដឹងថា កាលពីថ្ងៃទី៤ ខែមករា ឆ្នាំ២០១៩ ជនរងគ្រោះ ចេះតែរវើ រវាយថា ឃើញគេមកតាមដេញវាយ ធ្វើបាបរួចក៏បានដើរចូលទៅក្នុងព្រៃខាងកើតភូមិបាត់ទៅ ពេលនោះប្រពន្ធនិងសាច់ញាតិក៏នាំបានគ្នាដើររកតែមិនឃើញ។
លុះមកដល់ថ្ងៃកើតហេតុ ស្រាប់តែអ្នកកាត់ឈើ ប្រទះឃើញ សាកសពដេកស្លាប់នៅកណ្តាលព្រៃបាត់ទៅហើយ។
បច្ចុប្បន្ន សាកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់