ភ្នំពេញៈ ករណីគ្រោះថ្នាក់ចរាចរណ៍ រវាងរថយន្ដ បុករះរឺម៉កម៉ូតូកង់បីមួយគ្រឿង ម៉ូតូ៣គ្រឿង និងរថយន្ដមួយគ្រឿង បង្កឲ្យមានការភ្ញាក់ផ្អើល នៅផ្លូវព្រះស៊ីសុវត្ថិ ស្ថិតក្នុងសង្កាត់វត្តភ្នំ ខណ្ឌដូនពេញវេលាម៉ោង៩យប់ ថ្ងៃទី១១ ខែមករាឆ្នាំ២០១៩។
រថយន្ដបង្កម៉ាកតូយ៉ូតាព្រូស ពណ៌ស ពាក់ស្លាកលេខ ភ្នំពេញ2AE-5854 បើកបរដោយនារីម្នាក់។ សម្ភារៈខូចខាតរួមមាន៖ ម៉ូតូ៣គ្រឿង ម៉ូតូរឺម៉កកង់បីមួយគ្រឿង និងរថយន្ដម៉ាកឡិចស៊ីRX300មួយគ្រឿង។
ក្រោយកើតហេតុម្ចាស់រថយន្ដបង្ក បានធ្វើការសម្របសម្រួល ជាមួយភាគីពាក់ព័ន្ធទាំងអស់ ដោយចេញសងថ្លៃខូចខាត ទៅឲ្យម្ចាស់រឺម៉កម៉ូតូកង់បីចំនួន៣២៥ដុល្លារ។
រីឯម៉ូតូពីរគ្រឿង និងរថយន្ដមួយគ្រឿងទៀតម្ចាស់ទាមទារថ្លៃខូចខាតថ្លៃពេក ទើបដោះស្រាយគ្នាមិនត្រូវ ក៏សម្រេចឲ្យកម្លាំងជំនាញ ធ្វើការវាស់វែងយកទៅរក្សាទុកនៅការិយាល័យចរាចរណ៍ ដើម្បីធ្វើការដោះស្រាយតាមនិតិវិធី៕
មតិយោបល់