ព័ត៌មានជាតិ

សូមឪពុកម្តាយគ្រប់រូប ប្រយ័ត្នចំពោះក្មេងតូចៗឲ្យមែនទែន ចៀសវាងមានវិប្បដិសារីថ្ងៃក្រោយ!

បន្ទាយមានជ័យ:​ ក្មេង​ប្រុស​ម្នាក់​បាន​លង់ទឹក​ក្នុង​ស្រះ​វត្ត​ត្រាច ភូមិ​ក្បាលស្ពាន​១ សង្កាត់​និង​ក្រុង​ប៉ោយ​ប៉ែ​ត បង្ក​ការ​ភ្ញាក់ផ្អើល នា​វេលាម៉ោងជាង១២ថ្ងៃត្រង់ ថ្ងៃ​ទី​១៣ ខែមក​រា ឆ្នាំ២០១៩ នោះរហូតដល់ម៉ោង៥ល្ងាចថ្ងៃដដែលបានរកសពឃើញហើយ។

គួររំលឹកថា មានសេចក្តីរាយការណ៍​ថាមានករណីក្មេង​ប្រុសម្នាក់ឈ្មោះថា ច​ន្ត្រា ​អាយុ​៧​ឆ្នាំ បានលង់ទឹកដោយក្មេង​ប្រុស​ខាងលើ​ត្រូវ​ក្មេង​ប្រុស​ផ្សេង​២​ទៅ​៣​នាក់​លេង​ជាមួយ​គ្នា​ប្រាប់​ថា ឃើញ​រអិល​ជើង​ធ្លាក់ទឹក ដោយ​បន្សល់​ខោអាវ​នៅ​មាត់ទឹក​ស្រះ​នោះ។

ស្ត្រី​ឈ្មោះ អូ​ច ជ្រូក អាយុ​២៧​ឆ្នាំ ជា​ម្តាយ​ក្មេង​រង​គ្រោះបាន​ប្រាប់​ថា គាត់ និង​ស្វាមី​កំពុង​ដេក​ថ្ងៃ ស្រាប់តែ​មាន​ក្មេង​ប្រុសរ​ត់ទៅ​ប្រាប់​ថា កូន​លង់ទឹក​ពេល​នាង និង​ស្វាមី​ទៅ​ដល់​មាត់​ស្រះ​ទឹក​កន្លែង​កើតហេតុ ស្រាប់តែ​ឃើញ​តែ​ខោអាវ​កូន​នៅ​មាត់​ស្រះទឹកតែ​ម្តង ។

ដោយនៅ​កន្លែង​កើតហេតុ​គេ​ឃើញ​មាន​មនុស្ស​ជាច្រើននាក់​បាន​ចុះ​រាវរកសព​ក្មេង​រង​គ្រោះ ដោយសា​ស្រះ​ទឹក​ក្នុង​វត្ត​នោះ​មានជម្រៅជ្រៅ​២​ដៃ​ម៉ៃ​ខូ ដែល​អ្នក​ចុះ​រាវរក​មិន​ងាយមុជរាវឃើញភ្លាមទេ រហូតដល់ម៉ោង៥ល្ងាចថ្ងៃដដែលទើបរាវរកសពក្មេងរងគ្រោះឃើញ។

សពត្រូវបានក្រុមគ្រួសារធ្វើបុណ្យតាមប្រពៃណី៕

មតិយោបល់