Post News Media ព័ត៌មានជាតិ Update៖ អគ្គិ...

Update៖ អគ្គិភ័យឆេះផ្ទះល្វែងមួយកន្លែង ផ្អើលសមត្ថកិច្ចនិងប្រជាពលរដ្ឋទាំងព្រឹក នៅខណ្ឌឫស្សីកែវ!

ភ្នំពេញ: ឆ្លងចរន្តអគ្គិសនីឆាបឆេះខូចខាតសម្ភារ:ចាប់ហួយមួយចំនួនធំនិងរថយន្តឡិចស៊ីសមួយកណាត់មុខនៅក្នុងផ្ទះល្វែងសងអំពីឥដ្ឋ កាលពីវេលាម៉ោង១០ព្រឹក ថ្ងៃទី​១៤​ ខែមករា​ ឆ្នាំ២០១៩​ នៅចំណុចផ្ទះលេខ៥៥​ ផ្លូវបេតុង​ ក្រុមទី១៤​ ភូមិបឹងសាឡាង​ សង្កាត់​ឬស្សីកែវ​ ខណ្ឌឬស្សីកែវ​ រាជធានី​ភ្នំពេញ​។

ម្ចាស់​ផ្ទះ​ឈ្មោះ​ ណោ​ ឆេងគីម​ ភេទស្រី​ អាយុ៤៥ឆ្នាំ​ មុខរបរលក់ដូរ​ ស្នាក់នៅផ្ទះលេខ​៥៣​ ផ្លូវបេតុង​ ក្រុមទី១៤​ ភូមិបឹងសាឡាង ​សង្កាត់ឬស្សីកែវ ខណ្ឌឬស្សីកែវ។

ម្ចាស់ផ្ទះរងគ្រោះបានឲ្យដឹងទាំងទឹកមុខក្រៀមក្រំថា នៅពេលកើតហេតុនេះគាត់មិនបាននៅផ្ទះឡើងដោយរវល់លក់នៅឯផ្សារទំនប់ឯណោះស្រាប់តែមានគេខលប្រាប់ថាមានភ្លើងឆេះ។

តាមប្រភពព័ត៌មានពីប្អូនស្រីរបស់ម្ចាស់ផ្ទះបានឲ្យដឹងថាផ្ទះដែលឆេះខាងលើនេះជាផ្ទះសម្រាប់ស្តុកទំនិញចាប់ហួយដោយបានចាក់សោជាប់ម្ចាស់ផ្ទះទៅធ្វើការនិងលក់ដូរអស់។

សមត្ថកិច្ចឲ្យដឹងថាអគ្គិភ័យនេះបណ្តាលមកពីឆ្លងចរន្តអគ្គិសនី​ ធ្វើឲ្យឆាបឆេះខូចខាតរថយន្តមួយកំណាត់មុខ​ ម៉ាកឡិចស៊ីស​ RX300 ​ពណ៌មាស​ ពាក់ស្លាកលេខ ភ្នំពេញ2V-0897 និងឆេះខូចខាតសម្ភារ:មួយចំនួនធំ។

ករណីនេះប្រើប្រាស់រថយន្តពន្លត់អគ្គិភ័យចំនួន​​៦គ្រឿង​ ប្រើប្រាស់ទឹកពន្លត់ចំនួន​៣​ គ្រឿង មានរថយន្ត​របស់ការិយាល័យបង្កាពន្លត់អគ្គិភ័យរាជធានីភ្នំពេញ​​២គ្រឿង រថយន្ត​ខណ្ឌឫស្សីកែវ​១គ្រឿង។ អគ្គិភ័យ​នេះពន្លត់ចប់សព្វគ្រប់ជាស្ថាពរនៅវេលាម៉ោង​ ១០និង២៥នាទី​ មិនបណ្តាលឲ្យខូចខាត​ បាត់បង់​ ឬរងគ្រោះដល់បងប្អូនប្រជាពលរដ្ឋដែលរស់នៅជិតកន្លែងកើតហេតុឡើយ៕

Loading...