Post News Media ព័ត៌មានជាតិ ស្ត្រី​ឆ្លងទន...

ស្ត្រី​ឆ្លងទន្លេ​តាម​ផ្លូវ​ស្គាល់​អត្តសញ្ញាណ​ហើយ​

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ស្ត្រី​ដែល​ឆ្លងទន្លេ​តាម​ផ្លូវ​ កាលពី​រំលង​អធ្រាត្រ​ឈាន​ថ្ងៃ​ទី​១៣​ ខែមករា​ ហើយ​ត្រូវ​បាន​បញ្ជូន​ទៅ​មន្ទីរពេទ្យ​កាល់​ម៉ែ​ត​ ឥឡូវ​បាន​ស្គាល់​អត្តសញ្ញាណ​ហើយ​ ។​

​នៅ​ព្រឹក​ថ្ងៃ​ទី​១៤​មក​រា​នេះ​ មាន​សេចក្តីរាយការណ៍​មួយ​ថា​ ស្ត្រី​ដែល​សម្រាល​ កូន​តាម​ផ្លូ​វ​ឈ្មោះ​ អ៊ុ​ក​ ធា​រី​ អាយុ​២៧​ឆ្នាំ​ ស្រុក​កំណើត​នៅ​ភូមិ​ពង្រ​ ឃុំ​ត​ព្រៃ​ស្រុក​បារាយ​ ខេត្តកំពង់ធំ​ ស្នាក់​ផ្ទះ​ជួល​សង្កាត់​បឹង​កក់​១​ ខណ្ឌទួលគោក​ តែ​គេ​មិនឃើញ​មាន​ប្តី​ ឬ​សាច់ញាតិ​របស់​ស្ត្រី​ម្នាក់​នេះ​មក​ជួយ​មើលថែ​នោះ​ទេ​ ។​

​តាម​សេច​កី្ត​រាយការណ៍​ឲ្យ​ដឹង​ទៀត​ថា​ ស្ត្រី​ដែល​ឆ្លងទន្លេ​តាម​ផ្លូវ​នោះ​ បាន​ទទួល​អំណោយ​ជា​ថវិកា​ពី​សប្បុរសជន​ចំនួន​១៤​ម៉ឺន​រៀល​ ។​

​គួរ​រំឭក​ថា​ កាលពី​វេលា​ម៉ោង​១២​និង​០០​នាទី​យប់​រំលង​អធ្រាត្រ​ ឈាន​ចូល​ថ្ងៃ​ទី​១៣​ ខែមករា​ ឆ្នាំ​២០១៨​ ស្ថិត​នៅ​តាម​បណ្តោយ​ផ្លូវ​៣១៥​កែង​ និង​ផ្លូវ​៥១៦​ ជាប់​ និង​ផ្សារ​ធី​ខេ​ ក្នុង​សង្កាត់​បឹង​កក់​១​ ខណ្ឌទួលគោក​ ដោយ​មាន​ស្ត្រី​អាយុ​ជាង​៣០​ឆ្នាំ​ម្នាក់​ បាន​ឈឺពោះ​សម្រាល​កូនស្រី​នៅ​តាម​ដងផ្លូវ​ ហើយត្រូវ​បាន​អ្នក​ធ្វើ​ដំណើរ​ នៅ​តាម​ដងផ្លូវ​ឃើញ​ជួយ​ និង​ហៅ​រថយន្ត​សង្គ្រោះ​ដឹក​សង្គ្រោះ​បន្ទាន់​នៅ​មន្ទីរ​កាល​ម៉ែ​ត​ ។​

​តាម​ការ​ឲ្យ​ដឹង​ពី​សន្តិសុខ​ម្នាក់ ​ដែល​យាម​នៅ​ក្បែរ​កន្លែង​កើតហេតុ​បាន​ឲ្យ​បាន​ឲ្យ​ដឹង​ថា​ ស្ត្រី​ដែល​បាន​សម្រាលកូន​នៅ​តាម​ដងផ្លូវ​នោះ​ មិន​ស្គាល់​អត្តសញ្ញាណ​នៅឡើយ​ទេ​ គ្រាន់តែ​ដឹង​ថា​មាន​អាយុប្រមាណ​ជាង​៣០​ឆ្នាំ​ ហើយ​មុន​កើតហេតុ​រូប​គាត់​បានឃើញ​ស្ត្រី​ខាងលើ​នេះ​ ធ្វើ​ដំណើរ​ដោយ​ថ្មើរជើង​ តាម​បណ្តោយ​ផ្លូវ​៥១៦​ ក្នុង​ទិស​ដៅ​ពី​កើត​ទៅ​លិច​ មក​ឈប់​អង្គុយ​នៅ​ចំណុច​កើតហេតុ​ខាងលើ​ ហើយ​បាន​ត្អូញត្អែរ​ថា​ រូប​គាត់​ឈឺពោះ​ណាស់​ ខណ:នោះ​ក៏​មាន​ប្រជាពលរដ្ឋ​ដែល​ធ្វើ​ដំណើរ​តាម​ដងផ្លូវ​ឃើញ​ហេតុការណ៍​ក៏​បាន​នាំ​មក​ជួ​យស​សង្គ្រោះ​ជាបឋម​សិន​ រួច​បាន​សម្រាល​កូនស្រី​ដ៏​ស្រស់​ស្អាត​ម្នាក់​ផង​ដែរ​ ។​ បន្ទាប់​មក​រង់ចាំ​រថយន្ត​សង្គ្រោះ​មក​ដឹក​ជន​រង​គ្រោះ​ទៅ​សង្គ្រោះ​បន្ត​ទៀត​ ។​

​តែ​អ្វី​ដែល​គួរ​ឲ្យ​ចាប់អារម្មណ៍ ​និង​កោតសរសើរ​នោះ​ គឺ​មាន​នារី​វ័យក្មេង​រូប​ស្រស់​ដូច​តារា​ម្នាក់​បាន​បើករថយន្ត​ឡិច​ស៊ី​ស​ ៣៣០​មួយ​គ្រឿង​ មក​ឈប់​ជួយ​សង្គ្រោះ​ដោយ​មិន​ខ្លាច​ និង​រអើម​នោះ​ទេ​ ធ្វើ​ឲ្យ​ប្រជាពលរដ្ឋ​ក៏​ដូច​ជា​មហាជន​ជា​ច្រើន ​ដែល​បាន​មក​ឈប់​មើល​មានការ​កោតសរសើរ​ទៅ​លើ​នារី​វ័យ​រូប​ស្រស់​នោះ​ផង​ដែរ​ ។​ បន្ទាប់​មក​ប្រជាពលរដ្ឋ​បាន​ទំនាក់ទំនង​ទៅ​សមត្ថកិច្ច​មូលដ្ឋាន​ក៏​ដូច​រថយន្ត​សង្គ្រោះ​បន្ទាន់​ផង​ដែរ​ ។​

​ក្រោយ​កើតហេតុ​សមត្ថកិច្ច​មូលដ្ឋាន​បាន​ចុះ​មក​ដល់​ និង​ហៅ​រថយន្ត​សង្គ្រោះ​បន្ទាន់​គ្លីនិក​រស្មី​បាន​មក​ជួយ​ដឹក​ជន​រង​គ្រោះ​យក​ទៅ​សង្គ្រោះ​នៅ​ឯ​មន្ទីរពេទ្យ​កាល​ម៉ែ​ត​បន្ត​ ដោយ​រថយន្ត​សង្គ្រោះ​មន្ទីរពេទ្យ​រស្មី​មិន​មាន​ឧបករណ៍​សង្គ្រោះ​គ្រប់គ្រាន់​៕