Post News Media ព័ត៌មានជាតិ ​ឃាត់ខ្លួន​ជន...

​ឃាត់ខ្លួន​ជនសង្ស័យ​ម្នាក់​ ពី​បទ​រំលោភ​សេពសន្ថវ:​​អនីតិជន!​

បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា សមត្ថកិច្ចនគរបាលស្រុកភ្នំព្រឹក ​ឃាត់ខ្លួន​ជនសង្ស័យ​ម្នាក់​ ពី​បទ​រំលោភ​កុមារី​ អាយុ​៨​ឆ្នាំ​ នៅ​ចំណុច ​ភូមិ​សំរោង​ ឃុំ​អូរ​រំដួល​ ស្រុក​ភ្នំព្រឹក​ ។​ ហេតុការណ៍​នេះ​បាន​កើតឡើង​កាលពី​ថ្ងៃ​ទី​១៣​ ខែមករា​ ឆ្នាំ​២០១៩​ វេលា​ម៉ោង​ ០៣៖០០​នាទី​ទៀបភ្លឺ​ ។​

​យោង​តាម​របាយការណ៍​ពី​សមត្ថកិច្ច​នគរបាលបាល​ស្រុក​ភ្នំព្រឹក​ បាន​ឲ្យ​ដឹង​ថា​ ជនសង្ស័យ​ឈ្មោះ​ មឿ​ន​.​រឿ​ន​ ភេទ​ប្រុស​ អាយុ​ ៤៦​ឆ្នាំ​ មក​ស្នាក់​នៅ​បណ្តោះអាសន្ន​ភូមិ​អូរ​តា​សុខ​ ឃុំ​ពេជ្រ​ចិន្តា​ ស្រុក​ភ្នំព្រឹក​ ជា​កម្មករ​កាប់​ដំឡូង​ បាន​ចាប់រំលោភ​កុមារី​រង​គ្រោះ​ឈ្មោះ​ ស​.​គ​.​ អាយុ​​៨​ឆ្នាំ​ រស់នៅ​ភូមិ​អូរ​ ឃុំ​ពេជ្រ​ចិន្តា​ ស្រុក​ភ្នំព្រឹក​។​

សមត្ថកិច្ចនគរបាល​ស្រុកភ្នំ​ព្រឹក​ បាន​បញ្ជាក់​បន្ត​ថា​ ដោយ​ម្តាយ​ជន​កុមារី​រង​គ្រោះ​បានឲ្យ​កូនស្រី​ដេក​ក្នុង​មុង​តែ២​នាក់​ជនសង្ស័យ​ ដូចនេះ​ទើប​ជនសង្ស័យ​ឆ្លៀតពេល​ធ្វើ​សកម្មភាព​រំលោភ​កុមារី​រង​គ្រោះ​រហូត​បាន​សម្រេច​តែ​ម្តង​។​

បច្ចុប្បន្ន​នេះ​ សមត្ថកិច្ច​ជំនាញ​ កំពុង​កសាង​សំណុំរឿង​ បញ្ជូន​ខ្លួន​ជនសង្ស័យ​ទៅ​សាលាដំបូង​ខេត្ត​ ដើម្បី​ចាត់ការ​បន្ត​តាម​នីតិវិធី​ច្បាប់​៕