កណ្តាលៈ កម្លាំងសមត្ថកិច្ចស្រុកកៀនស្វាយឃាត់ខ្លួនជនសង្ស័យម្នាក់ ជាមុខសញ្ញាចែកចាយគ្រឿងញៀន កាលពីវេលាម៉ោង០៩និង១៥នាទី ថ្ងៃទី០៦ ខែកក្កដា ឆ្នាំ២០១៦ ស្ថិតនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល។
លោក ប៉ា សំអិត អធិការស្រុកបានឲ្យដឹងថា ជនសង្ស័យត្រូវឃាត់ខ្លួនមានឈ្មោះ ធុយ រដ្ឋាភេទប្រុស អាយុ៣៧ឆ្នាំ រស់នៅភូមិឃុំកើតហេតុ។
លោក ប៉ា សំអិត បានបន្តថា ក្នុងអំឡុងបើកប្រតិបត្តិការបង្ក្រាបករណីគ្រឿងញៀនខាងលើនេះ សមត្ថកិច្ចដកហូតបានវត្ថុតាងម៉្សៅក្រាម ពណ៌ស សង្ស័យជាសាធាតុញៀន(ម៉ាទឹកកក)ចំនួន០៦កញ្ចប់តូច និងម៉ូតូ០១គ្រឿងម៉ាកហុងដាវវីស្តន់ ពណ៌ឈាមជ្រូក ពាក់ស្លាកលេខភ្នំពេញ1F-5252។
លោកអធិការស្រុកបានបន្តទៀតថា ដោយមានការបញ្ជាផ្ទាល់ពីលោកឧត្តមសេនីយ៍ទោ អ៊ាវ ចំរើន ស្នងការខេត្ត និងកម្លាំងប៉ុស្តិ៍រដ្ឋបាលឃុំដីឥដ្ឋបានដឹកនាំកម្លាំងចុះល្បាតក្នុងភូមិសាស្រ្តខាងលើ លុះមកដល់ត្រង់ចំណុចកើតហេតុ ក៏ជួបប្រទះជនសង្ស័យកំពង់ជិះម៉ូតូនិងធ្វើការត្រួតពិនិត្យឃើញមានវត្ថុតាង រួចក៏នាំខ្លួនមកអធិការស្រុកកំពង់សួរនាំ ដើម្បីកសាងសំណុំរឿង បញ្ចូនខ្លួនឡើងតុលាការចាត់ការតាមនិតិវិធី៕
មតិយោបល់