ផ្ទះ ព័ត៌មានជាតិ បុគ្គលិក​ ខារ...

បុគ្គលិក​ ខារ៉ាអូខេ ​ឌី​យ៉ា​ម៉​ង​ផា​លេ ផ្ទុះហិង្សាដាក់គ្នា ផ្អើលសមត្ថកិច្ចខណ្ឌទួលគោក

0

ភ្នំពេញ:​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២០​ ខែមករា​ ឆ្នាំ​២០១៩​ វេលា​ម៉ោង​ប្រហែល​២​និង​៣៥​នាទី​រំលង​អា​ធ្រា​ត្រ​ កម្លាំង​នគរបាល​ប៉ុស្តិ៍​រដ្ឋបាល​ទឹកល្អក់​ទី​៣​ នៃ​អធិការដ្ឋាន​នគរបាល​ខណ្ឌទួលគោក​ បាន​ឃាត់ខ្លួន​ជនសង្ស័យ​ម្នាក់​ពី​ បទ​ហិង្សា​ដោយ​ចេតនា​ (​ទំនាស់​ពាក្យ​សម្ដី​គ្នា​យក​កូន​កន្ត្រៃ​ច្រឹប​អំបោះ​ចុង​ស្រួច​ ចាក់​ទៅ​លើ​ជន​រង​គ្រោះ​បណ្ដាល​ឲ្យ​របួស​រលាត់​ឆូត​ស្បែក​ក្រោម​ចង្ការ​ខាងឆ្វេង​,​ ឆូត​លើ​ថ្គាម​ខាងឆ្វេង​ និង​ស្នាម​ឆូត​លើ​ថ្ពាល់​ខាងឆ្វេង​ របួសស្រាល​)​ ប្រព្រឹត្ត​នៅ​ចំណុច​ក្នុង​បន្ទប់​ផ្លាស់​ខោអាវ​នារី​ក្នុង​ខារ៉ាអូខេ​ ឌី​យ៉ា​ម៉​ង​ផា​លេស​ (​ជាន់​ទី​១)​ ដែល​មាន​ទីតាំង​ផ្ទះ​លេខ​៨០H​ ផ្លូវ​លេខ​២៧១​ ក្រុម​៣១​ ភូមិ​១២​ សង្កាត់​ទឹកល្អក់​ទី​៣​ ខណ្ឌទួលគោក​ រាជធានី​ភ្នំពេញ​ ។​

ជនសង្ស័យ​ឈ្មោះ​ ឌ​ន​ ឡី​ ហៅ​ ឡៃ​ ភេទ​ស្រី​ អាយុ​២៥​ឆ្នាំ​ ជនជាតិ​ខ្មែរ​ មុខរបរ​ បុគ្គលិក​ ខារ៉ាអូខេ​ ឌី​យ៉ា​ម៉​ង​ផា​លេស​ ស្នាក់​នៅផ្ទះ​ជួល​ (​បន្ទប់​លេខ​៨B)​ ផ្លូវលំ​ សង្កាត់​កា​កាប​១​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​។​

​វត្ថុ​តាង​ចាប់​យក​រួម​មាន​ ៖​ កូន​កន្ត្រៃ​សំរាប់​ច្រឹប​អំបោះ​ពណ៌​លឿង​ស្លេក​ចំនួន​០១​ (​ជា​របស់​ជនសង្ស័យ​ធ្វើ​សកម្មភាព​)​ ។​

​ជន​រង​គ្រោះ​ឈ្មោះ​ កែវ​ ស្រី​ទូច​ ភេទ​ស្រី​ អាយុ​២២​ឆ្នាំ​ ជនជាតិ​ខ្មែរ​ មុខរបរ​ បុគ្គលិក​ ខារ៉ាអូខេ​ ឌី​យ៉ា​ម៉​ង​ផា​លេស​ ស្នាក់​នៅផ្ទះ​ជួល​លេខ​៧B​ ផ្លូវ​លេខ​២៧១​ ភូមិ​១១​ សង្កាត់​ទឹកល្អក់​ទី​៣​ ខណ្ឌទួលគោក​ រាជធានី​ភ្នំពេញ​ ។​

​ជន​រង​គ្រោះ​រង​របួស​ ៖​ រលាត់​ឆូត​ស្បែក​ក្រោម​ចង្ការ​ខាងឆ្វេង​,​ ឆូត​លើ​ថ្គាម​ខាងឆ្វេង​ និង​ស្នាម​ឆូត​លើ​ថ្ពាល់​ខាងឆ្វេង​ របួសស្រាល​ ។​

​តាម​ដំណើរ​រឿងហេតុ​ នៅ​ថ្ងៃ​ទី​២០​ ខែមករា​ ឆ្នាំ​ ២០១៩​ វេលា​ម៉ោង​ប្រហែល​ ២​និង​៣៥​នាទី​រំលង​អធ្រា​ត្រ​ ជនសង្ស័យ​ឈ្មោះ​ ឌ​ន​ ឡី​ ហៅ​ ឡៃ​ ភេទ​ស្រី​ អាយុ​២៥​ឆ្នាំ​ ជនជាតិ​ខ្មែរ​ ក្រោយ​ពី​ចប់​ម៉ោង​ធ្វើការ​ក៏​បាន​មាន​ទំនាស់​ពាក្យ​សម្ដី​គ្នា​ជាមួយ​ឈ្មោះ​ ស្រី​ល័​ក្ខ​ ភេទ​ស្រី​ អាយុ​ប្រហែល​២៧​ឆ្នាំ​ ជនជាតិ​ខ្មែរ​ មុខរបរ​ បុគ្គលិក​ ខារ៉ាអូខេ​ ជាមួយ​គ្នា​ រឿង​បិទ​ភ្លើង​នៅ​ក្នុង​បន្ទប់​ខារ៉ាអូខេ​ ដោយ​ជេរ​ដៀមដាម​ដាក់​គ្នា​ទៅ​វិញ​ទៅ​មក​ រួច​ហើយ​ឈ្មោះ​ ស្រី​ល័​ក្ខ​ ក៏​ស្ទុះ​ពី​កៅអី​មក​ទះ​លើ​ឈ្មោះ​ ឌ​ន​ ឡី​ មួយ​ចំនួន​៣​ដៃ​ ពេល​នោះ​ឈ្មោះ​ ស្រី​ល័​ក្ខ​ ក៏​ចុះ​មក​បន្ទប់​ផ្លាស់​ខោអាវ​នារី​រួច​ចេញ​ទៅ​ផ្ទះ​បាត់​ទៅ​ ចំណែក​ជនសង្ស័យ​ឈ្មោះ​ ឌ​ន​ ឡី​ ហៅ​ ឡៃ​ បាន​រត់​ចុះ​មក​ខាងក្រោម​ រួច​ជេរ​បណ្ដើរ​ដើរ​បណ្ដើរ​ នៅ​ក្នុង​បន្ទប់​ផ្លាស់​ខោអាវ​នារី​ ពេល​នោះ​ជន​រង​គ្រោះ​ឈ្មោះ​ កែវ​ ស្រី​ទូច​ ភេទ​ស្រី​ អាយុ​២២​ឆ្នាំ​ ជនជាតិ​ខ្មែរ​ មុខរបរ​ បុគ្គលិក​ ខារ៉ាអូខេ​ ជាមួយ​គ្នា​ កំពុង​ផ្លាស់​ខោអាវ​នៅ​ក្នុង​បន្ទប់​ជាមួយ​ជនសង្ស័យ​ឈ្មោះ​ ឌី​ ឡី​ ហៅ​ ឡៃ​ គិត​ថា​ឈ្មោះ​ ឌី​ ឡី​ ហៅ​ ឡៃ​ ជេរ​រូប​ខ្លួន​ក៏​កើត​មាន​ទំនាស់​ពាក្យ​សម្ដី​ជេរ​គ្នា​ទៅ​វិញ​ទៅ​មក​ និង​បោច​សក់​គ្នា​ទៅ​វិញ​ទៅ​មក​ ភ្លាម​នោះ​ជនសង្ស័យ​ឈ្មោះ​ ឌី​ ឡី​ ហៅ​ ឡៃ​ បាន​យក​កូន​កន្ត្រៃ​សម្រាប់​ច្រឹប​អំបោះ​ចុង​ស្រួច​ដែល​ដាក់​ក្នុង​កាបូប​របស់​ខ្លួន​ យក​ទៅ​ចាក់​លើ​ជន​រង​គ្រោះ​ឈ្មោះ​ កែវ​ ស្រី​ទូច​ បណ្ដាល​ឲ្យ​របួស​រលាត់​ឆូត​ស្បែក​ក្រោម​ចង្ការ​ខាងឆ្វេង​,​ ឆូត​លើ​ថ្គាម​ខាងឆ្វេង​ និង​ស្នាម​ឆូត​លើ​ថ្ពាល់​ខាងឆ្វេង​ (​របួសស្រាល​)​ ភ្លាម​នោះ​ក៏​ត្រូវ​បាន​កម្លាំង​សមត្ថកិច្ច​នគរបាល​ប៉ុស្តិ៍​រដ្ឋបាល​ទឹកល្អក់​ទី​៣​ ចុះ​មក​អន្តរាគមន៍​ឃាត់ខ្លួន​ជនសង្ស័យ​ឈ្មោះ​ ឌី​ ឡី​ ហៅ​ ឡៃ​ យក​មក​កាន់​ អធិការដ្ឋាន​នគរបាល​ខណ្ឌទួលគោក​ ដើម្បី​ធ្វើការ​សាកសួរ​ និង​ចាត់ការ​បន្ត​ ។​

​បច្ចុប្បន្ន​ ជនសង្ស័យ​ខាងលើ​កំពុង​ឃាត់ខ្លួន​ជា​បណ្ដោះអាសន្ន​ នៅ​អធិការដ្ឋាន​នគរបាល​ខណ្ឌទួលគោក​ ដើម្បី​ធ្វើការ​សាកសួរ​ និង​ ចាត់ការ​បន្ត​តាម​ផ្លូវច្បាប់​៕

Loading...

Leave a Reply

This site uses Akismet to reduce spam. Learn how your comment data is processed.