បាត់ដំបងៈ មានករណីគ្រោះថ្នាក់ចរាចរណ៍មួយបានកើតឡើង ខណៈដែលមានគោយន្តកន្ត្រៃមួយគ្រឿងដឹកឈើ បើកបរដោយបុរសម្នាក់ បានដាច់កង់ក្រឡាប់ដោយខ្លួនឯង បណ្តាលឲ្យបុរសម្នាក់ស្លាប់យ៉ាងរន្ធត់។
ហេតុការណ៍នេះកើតឡើងនៅម៉ោង៥ល្ងាច ថ្ងៃទី២១ ខែមករា ឆ្នាំ២០១៩ នៅចំណុចភូមិកំប្រង់ ឃុំតាគ្រៃ ស្រុកកំរៀង ខេត្តបាត់ដំបង។
សពជនរងគ្រោះខាងលើមានឈ្មោះ ហឹន ហាន ភេទប្រុស អាយុ៣៩ឆ្នាំ រស់នៅភូមិស្រះទឹក ឃុំតាគ្រៃ ស្រុកកំរៀង ខេត្តបាត់ដំបង។
ក្រោយកើតហេតុ សមត្ថកិច្ចបានចុះមកធ្វើការពិនិត្យ និងធ្វើកំណត់ហេតុប្រគល់សពឲ្យសាច់ញាតិធ្វើបុណ្យតាមប្រពៃណី៕
មតិយោបល់