Post News Media ព័ត៌មានជាតិ ទាល់តែចឹងបានរ...

ទាល់តែចឹងបានរាង! សមត្ថកិច្ចស្ទូចរថយន្ត​៤គ្រឿង ម៉ូតូ​៣គ្រឿង និងម៉ូតកង់បី​៥គ្រឿង ដែលឈប់ចត…​

ភ្នំពេញ: នៅថ្ងៃទី២២ ខែមករា​ ឆ្នាំ២០១៩នេះ ដោយអនុវត្តន៍តាមគោលការណ៍របស់​ លោក​ សុខ​ ពេញវុធ​ អភិបាល​ នៃគណ:អភិបាលខណ្ឌដូនពេញ​ លោក​ យស យុទ្ធី​ អភិបាលរងខណ្ឌ​ លោក ទៀក​ ច័ន្ទសារ អធិការនគរបាលខណ្ឌ និង លោក គឹម វុត្ថា ប្រធានប្រជាការពារខណ្ឌ បានបន្តដឹកនាំកម្លាំងចុះអនុវត្តន៍រៀបចំសន្តិសុខ សណ្ដាប់ធ្នាប់ របៀបរៀបរយសាធារណ: ជុំវិញអតីតទីលានប្រជាធិបតេយ្យ (ផ្លូវលេខ១០៦-១០៨) មហាវិថីព្រះមុនីវង្ស មហាវិថីព្រះសីហនុ ផ្លូវសុធារស តីរ វិថីស៊ីសុវត្ថិ ផ្លូវប៉ាស្ទរ័ ផ្លូវត្រសក់ផ្អែម ផ្លូវលេខ១៩ ផ្លូវលេខ១១០​ ផ្លូវលេខ១១៨​ ផ្លូវលេខ១៣០ ផ្លូវលេខ១៣៦ ផ្លូវលេខ១៤៤​ ផ្លូវលេខ១៤៨​ ផ្លូវលេខ១៥៤​ ផ្លូវលេខ១៧៨ ផ្លូវលេខ១៣ និងផ្លូវសំខាន់ៗមួយចំនួនទៀតក្នុងមូលដ្ឋាន ដើម្បីបង្កលក្ខណ:ងាយស្រួលដល់បងប្អូនប្រជាពលរដ្ឋធ្វើដំណើរឆ្លងកាត់ និងទទួលបានសណ្តាប់ធ្នាប់របៀបរៀបរយល្អប្រសើរថែមទៀត ។

ជាលទ្ធផល បានស្ទូចរថយន្តចំនួន៤គ្រឿង ម៉ូតូចំនួន៣គ្រឿង ម៉ូតកង់បីចំនួន៥គ្រឿង បានបញ្ជូនយកមករក្សាទុកនិងធ្វើការអប់រំណែនាំតាមក្រោយនៅសាលាខណ្ឌដូនពេញ៕