Post News Media ព័ត៌មានជាតិ ឃាត់ខ្លួន​ជនស...

ឃាត់ខ្លួន​ជនសង្ស័យ​ម្នាក់​ ករណី​រំលោភ​សេពសន្ថវ: លើ​កុមារី​អាយុ​១២​ឆ្នាំ​ នៅ​ស្រុក​ភ្នំព្រឹក​

បាត់ដំបង:​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំង​ជំនាញ​ផ្នែក​ព្រហ្មទណ្ឌ​ នៃ​អធិការដ្ឋាន​នគរបាល​ស្រុក​ភ្នំព្រឹក​ បាន​សហការ​ជាមួយ​កម្លាំង​អធិការដ្ឋាន​នគរបាល​ស្រុក​សង្កែ​ បាន​ធ្វើការ​ឃាត់ខ្លួន​ជនសង្ស័យ​ម្នាក់​ ពីបទរំលោភ​សេពសន្ថវ:​លើកុមារី​អាយុ​១២​ឆ្នាំ​ ស្ថិត​នៅ​ចំណុច​ភូមិ​កកោះ​ ឃុំ​បារាំង​ធ្លាក់​ ស្រុក​ភ្នំព្រឹក​ ។​ សមត្ថកិច្ចធ្វើការឃាត់ខ្លួន​បាន​ នៅថ្ងៃ​ទី​២៣​ ខែមករា​ ឆ្នាំ​២០១៩​ វេលា​ម៉ោង​ ១៦៖៣០​នាទី​។​

យោង​តាម​របាយការណ៍​ពី​ នគរបាល​ស្រុក​ភ្នំព្រឹក​ បាន​ឲ្យ​ដឹង​ថា​ ជនសង្ស័យ​ ឈ្មោះ​ ម៉​ន​ ចិ​ត្រា​ ហៅ​ ចិន​ ភេទ​ប្រុស​ អាយុ​ ២៨​ឆ្នាំ​ មាន​ទីលំនៅ​ភូមិ​សាលា​បាឡាត់​ ឃុំ​ន​រា​ ស្រុក​សង្កែ​ បាន​រំលោភ​សេពសន្ថវ:​លើ​កុមារី​ អាយុ​១២​ឆ្នាំ​ (​អនីតិជន​)​ ឈ្មោះ​ ង​ ប​ ភេទ​ស្រី​ អាយុ​ ១២​ឆ្នាំ​ កាលពី​ថ្ងៃ​ទី​១៧​ ខែមករា​ ឆ្នាំ​២០១៩​ វេលា​ម៉ោង​ ២០៖០០នាទី​ នៅ​ចំណុច​ភូមិ​កកោះ​ ឃុំ​បារាំង​ធ្លាក់​ ស្រុក​ភ្នំព្រឹក​ ខេត្តបាត់ដំបង​។​

​បច្ចុប្បន្ន​ ជនសង្ស័យ​ត្រូវ​បាន​សមត្ថកិច្ច​ជំនាញ​ រៀបចំ​សំណុំរឿង​បញ្ជូន​ទៅ​សាលាដំបូង​ខេត្ត​ ដើម្បី​ចាត់ការ​បន្ត​តាម​នីតិវិធី​ច្បាប់​៕