ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី១៦ ខែធ្នូ ឆ្នាំ២០១៩ វេលាម៉ោង ១១ និង ១៥នាទី សមត្ថកិច្ចឃាត់ខ្លួនជនសង្ស័យម្នាក់ពាក់ព័ន្ធករណីប្រទូសកេរភេទ។
ជនសង្ស័យឈ្មោះ ឈួន វ៉ាន់ ហៅ ជ័យ ភេទប្រុស អាយុ ៤៦ ឆ្នាំ ស្នាក់នៅផ្ទះជួល ផ្លូវលំ ភូមិចំរើនផល សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។ ក្មេងស្រីរងគ្រោះមានអាយុ ៥ ឆ្នាំ ជនជាតិខ្មែរ ជាសិស្សសាលា ស្នាក់នៅផ្ទះជួល រាជធានីភ្នំពេញ។
វត្ថុតាងដកហូតបាន៖
-ម៉ូតូ០១គ្រឿងម៉ាក TIGER ពណ៌ខ្មៅ ពាក់ស្លាកលេខ ភ្នំពេញ 1Q-5732
-ទូរសព្ទ០១គ្រឿង
-ប័ណ្ណបើកបរ០១
-អត្តសញ្ញាណប័ណ្ណ០១
-កាតគ្រីម៉ូតូ០១
-ប្រាក់ចំនួន១១៨០០០រៀល ។
ដំណើររឿង៖ នៅវេលាកើតហេតុ ជនសង្ស័យបានធ្វើសកម្មភាពប្រទូសកេរ្តិ៍ខ្មាសក្មេងស្រីខណៈដឹកចេញពីសាលារៀន បន្ទាប់មកឪពុកម្ដាយជនរងគ្រោះដឹងរឿងក៏ឃាត់ខ្លួនជនសង្ស័យប្រគល់ឲ្យសមត្ថកិច្ច ចាត់ការតាមច្បាប់។
បច្ចុប្បន្ន ជនសង្ស័យត្រូវសមត្ថកិច្ចឃាត់ខ្លួននៅអធិការដ្ឋាននគរបាល ដើម្បីកសាងសំណុំរឿងចាត់ការតាមនីតិវិធី៕
មតិយោបល់