Post News Media ព័ត៌មានជាតិ ​សូមចៀសឲ្យឆ្ង...

​សូមចៀសឲ្យឆ្ងាយពីគ្រឿងញៀន! សមត្ថកិច្ចចុះបង្រ្កាបគ្រឿងញៀន ឃាត់ខ្លួនជនសង្ស័យ១៤នាក់ នៅស្វាយរៀង

ស្វាយរៀង: ក្រោមការដឹកនាំចង្អុលបង្ហាញពី លោឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង លោកវរសេនីយ៍ឯក កែវ សុថា ស្នងការរងទទូលផែនការងារប្រឆាំងគ្រឿងញៀន បានដឹកនាំកម្លាំងជំនាញការិយាលយ័ប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងស្វាយរៀង និងក្រោមការសម្របសម្រួលពីលោក គង់ ចន្ទ័ខេមរិទ្ធិ ព្រះរាជអាជ្ញាអមសាលាដំបូងខេត្ត បង្រ្កាបមុខសញ្ញាជួញដូរ និងប្រើប្រាស់គ្រឿងញៀនបានចំនួន១៤នាក់ (ស្រីម្នាក់)។

​ក្នុងនោះដកហូត​វត្ថុតាង៖ ថ្នាំញៀនចំនួន១៨កញ្ចប់(ធំ​៩កញ្ចប់) ទម្ងន់២៦.៤៤ក្រាម​និងឧបករណ៍ជក់ប្រើប្រាស់ថ្នាំញៀនមួយចំនួនទៀត ត្រូវបានកម្លាំងជំនាញការិយាលយ័ប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀង បញ្ជូនទៅកាន់សាលាដំបូងខេត្ត ដើម្បីចាត់ការបន្តតាមច្បាប់ ។

សូមបញ្ជាក់ថា ជនសង្សយ័រួមជាមួយវត្ថុតាងខាងលើនេះត្រូវបានសមត្ថកិច្ចការិយាលយ័ប្រឆាំងគ្រឿងញៀនខេត្ត ធ្វើការស្រាវជ្រាវនិងបង្ក្រាបបានចំនួន​៣ករណីផ្សេងគ្នា កាលពីយប់ថ្ងៃទី២២.២៣ ខែមករា ឆ្នាំ២០១៩ នៅក្នុងភូមិសាស្ត្រក្រុងស្វាយរៀង​៕

Loading...