ប៉ៃលិន: លោកអធិការស្រុកសាលាក្រៅបានប្រាប់ Post Newsថា កាលពីវេលាម៉ោង២ និង ៣០ នាទីរសៀល ថ្ងៃទី២៥ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍ក្រឡាប់ម៉ូតូកង់បីមួយកើតឡើង នៅចំណុចភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន បណ្ដាលឲ្យមនុស្សចំនួន ០៣នាក់រងរបួស។
ក្នុងនោះជនរងគ្រោះទី១មានឈ្មោះ អន វណ្ណរិទ្ធី ភេទប្រុស អាយុ៣០ឆ្នាំ របួសចំទ្រូង ជាអ្នកបើកបរ , ២-ឈ្មោះ កែវ សុម៉ាលី ភេទ ស្រី អាយុ ៦១ឆ្នាំ រងរបួសធ្ងន់ត្រង់ជើង និងទី៣-ឈ្មោះ កែវ វ៉ាន់ដារ៉ាសុផាវង្យ ភេទប្រុស អាយុ៦ឆ្នាំ រងរបួសស្រាល។
អ្នកទាំង៣មានទីលំនៅក្នុងភូមិអូរស្ងួត សង្កាត់បរយ៉ាខា ក្រុងប៉ៃលិន ខេត្តប៉ៃលិន។
ចំណែកមូលហេតុបណ្ដាលមកពីកត្តាមនុស្សចេះបើកបរម៉ូតូកង់បី។
បច្ចុប្បន្នជនរងគ្រោះត្រូវបានក្រុមគ្រួសារបញ្ជូនទៅសម្រាកព្យាបាលនៅមន្ទីរពេទ្យ។ ចំណែកម៉ូតូកង់បីត្រូវបានប្រគល់ឲ្យម្ចាស់ដើមវិញ៕
មតិយោបល់