ព័ត៌មានជាតិ

​ទ្រង់ទ្រាយធំ! សមត្ថកិច្ចបង្ក្រាប​គ្រឿងញៀននៅតាមផ្ទះសំណាក់ ឃាត់ខ្លួន​បានជនសង្ស័យជាច្រើន ម៉ូតូ៩គ្រឿង ឡាន១គ្រឿង កាំភ្លើង៣ដើម និងថ្នាំញៀនមួយចំនួនធំ​..​

បន្ទាយមានជ័យ: កាលពីថ្ងៃទី២៧ ខែមករា ឆ្នាំ២០១៩ កម្លាំងមានសមត្ថកិ​ច្ច ចុះបង្ក្រាបករណីជួញគ្រឿងញៀន នៅតាមផ្ទះសំណាក់បាន៥ករណី ក្នុងរយ:ពេល២ថ្ងៃ ឃាត់ខ្លួនមនុស្ស១៥នាក់ និងថ្នាំញៀនមួយចំនួនធំ នៅ​ភូមិផ្សារកណ្តាល សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យទាំង១៥នាក់ ទី១មានឈ្មោះ សេរី ពេជ្ជរ៉ាវី ភេទប្រុស អាយុ ៣០ឆ្នាំ,ទី២​ឈ្មោះ ម៉ៅ បៃ ភេទប្រុស អាយុ២៩ឆ្នាំ ,ទី៣ឈ្មោះ ហ៊ាង សុជាតិ ភេទប្រុស អាយុ២៧ឆ្នាំ,ទី៤ឈ្មោះ ឌឹម សុភ័ក្រ្ត ហៅ ផៃ ភេទប្រុស អាយុ ២៩ឆ្នាំ,ទី៥ឈ្មោះ យក់ ស៊ិង ភេទប្រុស អាយុ ២៤ឆ្នាំ​,ទី៦ឈ្មោះ បូរ ទិត្យ ភេទប្រុស អាយុ២៩ឆ្នាំ ,ទី៧ឈ្មោះ ហេង អ៊ាន ហៅរតនា ភេទប្រុស អាយុ២៩ឆ្នាំ ,ទី៨ឈ្មោះ ហៀប សីហា ភេទប្រុស អាយុ១៨​ឆ្នាំ ,ទី៩ឈ្មោះ ចយ រ៉ាវី ភេទប្រុស អាយុ១៧ឆ្នាំ,ទី១០ឈ្មោះ រតនា ភេទប្រុស ,ទី១១ឈ្មោះ ហេង ហ្វុង សាយ យុគ ហៅ វង់ ភេទប្រុស អាយុ​២៩ឆ្នាំ និង៤នាក់ទៀតមិនស្គាល់ឈ្មោះ។

ក្នុងនោះដកហូតបាន៖ អាវុធខ្លី១ដើមម៉ាកlock17 ពណ៌ខ្មៅ បង់​​១ គ្រាប់​៣​គ្រាប់, ថ្នាំគ្រាប់ពណ៌ផ្កាឈូកយ៉ាម៉ា​១០២គ្រាប់,ក្រាមពណ៌សថ្លា​៦​ថង់តូច និង៥កូនថង់ ធំល្មម ខេហិត ពណ៌សរ ​១កញ្ចប់,ថង់សម្រាប់ច្រកថ្នាំ​មួយចំនួន, ជញ្ជីងសម្រាប់ថ្លឹងថ្នាំ​១​ ​,​កាំភ្លើងកែច្នៃ​១ដើម ម៉ាកBLow F92 AUTO ពណ៌ទឹកប្រាក់ មានគ្រាប់ចំនួន៣គ្រាប់,ផ្លែស្វាន​៨កាណុងកាំភ្លើង​​៣, ដាវ​សាម៉ូរ៉ៃ​១ដើម។

​បច្ចុប្បន្ន ​ជនសង្ស័យ ត្រូវបានកម្លាំងបញ្ជូនមកស្នងការនគរបាលខេត្តបន្ទាយមានជ័យ កសាងសំណុំរឿង​បញ្ជូនទៅតុលាការ ដើម្បីចាត់ការទៅតាមផ្លូវច្បាប់​៕

មតិយោបល់