ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា តាមប្រកាសរបស់ក្រសួងមហាផ្ទៃ នៅព្រឹកថ្ងៃទី២៨ ខែមករា ឆ្នាំ២០១៩ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានសហការជាមួយសមត្ថកិច្ចមកពីប្រទេសចិន ធ្វើការបណ្ដេញជនជាតិចិនចំនួន ៦៩នាក់ ក្នុងនោះមានស្រី១៦នាក់ ។
ជនជាតិចិនទាំង៦៩នាក់នេះ ត្រូវបានបង្ក្រាប ដោយសមត្ថកិច្ចនាយកដ្ឋាន ប្រឆាំងភេរវកម្ម និងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិ កាលពីថ្ងៃទី២១ ខែមករា ឆ្នាំ២០១៩ នៅក្រុងបាវិត ខេត្តស្វាយរៀង ពាក់ព័ន្ធករណីក្លែងបន្លំ តាមប្រព័ន្ធទូរគមនាគមន៍ នៅប្រទេសចិន។
ការបណ្ដេញជនជាតិចិនខាងលើ គឺមានសមត្ថកិច្ចប្រទេសចិនចំនួន១៥០នាក់ និងយន្តហោះពិសេសចំនួន ២ គ្រឿងមកទទួលយកនៅអាកាសយានដ្ឋាន អន្តរជាតិភ្នំពេញ៕
មតិយោបល់