បន្ទាយមានជ័យៈ សមត្ថកិច្ចស្រុកភ្នំស្រុក បានឲ្យដឹងថា មានក្មេងស្រីចំនួន៤នាក់ បានលង់ទឹកស្រះស្លាប់ នៅវេលាថ្ងៃទី០២ ខែកុម្ភះ ឆ្នាំ២០១៩ នៅចន្លោះម៉ោង១៥និង៣០នាទី ដល់ម៉ោង១៧និង៤០នាទី នៅខាងកើតភូមិស្ពានក្មេង ឃុំភ្នំដី ចំងាយប្រមាណ៣០០ម៉ែត្រ ក្មេងរងគ្រោះទាំងនោះមាន ៖ ទី១-ឈ្មោះ ដឿន ស្រីណែត អាយុ៧ឆ្នាំទី២- ឈ្មោះ ដឿន ស្រីដែត អាយុ៤ឆ្នាំត្រូវជាប្អូនបង្កើតនឹងគ្នាទី៣- ឈ្មោះ ណំ ស៊ីនួន អាយុ៨ឆ្នាំទី៤- ឈ្មោះ លិវ សុភា អាយុ១០ឆ្នាំ ក្មេងរងគ្រោះទាំង៤នាក់រស់នៅភូមិស្ពានក្មេង ឃុំភ្នំដី ស្រុកភ្នំស្រុក ខេត្តបន្ទាយមានជយ័ ។
សមត្ថកិច្ចឲ្យដឹងថា មុនពេលកើតហេតុ សង្ស័យមានក្មេងម្នាក់លង់ទឹក ហើយនាំគ្នាជួយសង្រ្គោះ តែជាអកុសល ក៏លង់ទឹកទាំងអស់គ្នា ព្រោះក្មេងទាំងនេះ ឪពុកម្ដាយទៅធ្វើកម្មករនៅប្រទេសថៃអស់ ហើយទុកកូនអោយជីដូនមើលថែរក្សាតែជួនពេលដាំបាយមិនបានដឹងថាចៅៗនាំគ្នាទៅណា។ ស្រាប់តែមានអ្នកឃ្វាលគោបានប្រទះឃើញក្មេងលង់ទឹកជួយស្រង់តែក្មេងទាំង៤នាក់នេះ បានស្លាប់អស់ទៅហើយ ៕
មតិយោបល់