ព័ត៌មានជាតិ

ជិះម៉ូតូដេញវាយគ្នាជ្រុលទៅបុកព្រួញពុះចែកទ្រូងផ្លូវរបួសធ្ងន់សន្លប់ស្តូក៤នាក់ស្រាលម្នាក់

ភ្នំពេញ:​ យុវជន៤នាក់របួសធ្ងន់​សន្លប់ស្ដូកនិងម្នាក់ទៀតរបួសស្រាល ខណ:ពេលដែលជិះម៉ូតូកាន់ខ្សែក្រវ៉ាត់ដេញតាមវាយគ្នា ក្នុងល្បឿនយ៉ាងលឿន ចៃដន្យ​អកហ្សឺ​គ្នា ក៏ជ្រុលទៅបុករបាំងថ្មព្រួញពុះចែកផ្លូវ ទាំង២គ្រឿង​ហេីយត្រូវបានរថយន្តគិលានសង្គ្រោះគ្លីនិកហុងហាក់ដឹកយកទៅមន្ទីរពេទ្យភ្លាមៗ កាលពីវេលាម៉ោង០១រំលងអធ្រាត្រ​ឈានចូលថ្ងៃ ទី០៣ ខែកុម្ភ:​ ឆ្នាំ២០១៩នៅចំណុចមុខ​រោងចក្រកាត់ដេ MV លេីកំណត់ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម​ ខណ្ឌមានជ័យ​ រាជធានីភ្នំពេញ។

អ្នកដែលឃើញហេតុការណ៍ផ្ទាល់បានរៀបរាប់ថា​ នៅមុនកើតហេតុគេឃើញ ក្រុមក្មេងស្ទាវជាច្រើននាក់ ជិះម៉ូតូ៣ទៅ៤គ្រឿង ឌុបគ្នាក្នុងល្បឿនយ៉ាងលឿន ដោយខ្លះមានកាន់ខ្សែក្រវ៉ាត់ជាប់ដៃ ធ្វេីដំណេីរតាមបណ្ដោយផ្លូវ​ជាតិលេខ២ ក្នុងទិសដៅពីជេីងទៅត្បូង លុះជិះមកដល់ចំណុចកើតហេតុខាងលើ ស្រាប់តែយអកហ្សឺ​គ្នា ធ្វេីឲ្យម៉ូតូទាំង២គ្រឿង មួយគ្រឿងម៉ាក Honda Dream ប៊ិច​ ពណ៌ខ្មៅ​ ពាក់ស្លាកលេខភ្នំពេញ 1BI-3397 ​និងម៉ូតូមួយគ្រឿងទៀតម៉ាក EXCITER ពណ៌ខ្មៅ​ បិតតែមអក្សរអង់គ្លេស មិនមានស្លាកលេខជ្រុលទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យ​ម៉ូតូដួលខ្ទាត​ជិត១០ម៉ែត្រ ចំណែកយុវជនទាំង៥នាក់នោះ​ ខ្ទាតផ្លោះបោកទៅលេីថ្នល់ រងរបួសធ្ងន់​ដេកសន្លប់ស្ដូកកណ្ដាលផ្លូវទាំង៤នាក់តែម្ដងក្នុងនោះមានម្នាក់របួសធ្ងន់ធ្ងរជាងគេ​ បាក់ភ្លៅខាងឆ្វេងចេញឆ្អឹង​ចំណែកឯយុវជនម្នាក់ទៀតរបួសស្រាល។

ក្រោយមកមានកម្លាំងល្បាតប៉ុស្តិ៍នគរបាលចាក់អង្រែក្រោម ចុះមកដល់កន្លែងកើតហេតុ សម្រួលចរាចរណ៍ និងហៅរថយន្តគិលានសង្គ្រោះមួយគ្រឿង​ របស់គ្លីនិក​ឯកជន ហុងហាក់​ មកដឹកជនរងគ្រោះយកទៅសង្គ្រោះផងដែរ​។

ក្រោយពេលកើតហេតុ​ ម៉ូតូទាំង២គ្រឿង​ ត្រូវបានយកទៅរក្សាទុកបណ្ដោះអាសន្ន នៅស្នាក់ការនគរបាលប៉ុស្តិ៍រដ្ឋបាលចាក់អង្រែក្រោម ដើម្បី​រងចាំដោះស្រាយគ្នាពេលក្រោយ៕

មតិយោបល់