Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនបរទេសម្នាក់ ពាក់ព័ន្ធករណីរត់ពន្ធគឿងញៀនជិត ៥គីឡូក្រាម នៅសៀមរាប

សៀមរាប: កាលពីវេលាម៉ោង ០៩និង៤៥នាទីព្រឹកថ្ងៃទី០៦ ខែកុម្ភ: ឆ្នាំ២០១៩ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត សហការជាមួយកម្លាំងសមត្ថកិច្ចពាក់ព័ន្ធ ដើម្បីធ្វើការផ្អាកការធ្វើដំណើរចេញពីប្រទេសកម្ពុជា របស់ជនបរទេសម្នាក់ ដោយសង្ស័យរត់ពន្ធគ្រឿងញៀន។

ជនបរទេសខាងលើមានឈ្មោះOLARU NARCIS-MANUEL ជាជនជាតិរ៉ូមោនី ត្រូវចេញដំណើរពីកម្ពុជាទៅទីក្រុងហុងកុង ប្រទេសចិន តាមជើងហោះហើរលេខ KA-249 (REP-HKG) ។

តាមការត្រួតពិនិត្យ និងធ្វើតេស្តិ៍បឋម ជាមួយកងកម្លាំងសមត្ថកិច្ចពាក់ព័ន្ធ រកឃើញសារធាតុក្រាម ពណ៌ស ដែលសាមីខ្លួន បានដាក់ក្នុងកញ្ចប់ថង់ប្លាស្ទីក រាងសំប៉ែត ០៤ជ្រុងចំនួន០៤ លាក់ទុកក្នុងបាតកាបូបស្ពាយខ្នងចំនួន ០៤ផ្សេងគ្នា ជាប្រភេទគ្រឿងញៀនមេតំហ្វេតាមីន មានទម្ងន់ ៥.០២០ក្រាម។

កញ្ចប់ទី១ មាន១.២១០ក្រាម កញ្ចប់ទី២ មាន១.៣៥០ក្រាម កញ្ចប់ទី៣ មាន១.២១០ក្រាម និងកញ្ចប់ទី៤ មាន១.២៥០ក្រាម។

បច្ចុប្បន្នជនសង្ស័យ រួមទាំងវត្ថុតាង ត្រូវបានបញ្ជូនទៅស្នងការដ្ឋាននគរបាលខេត្តសៀមរាប ដើម្បីចាត់ការទៅតាមផ្លូវច្បាប់៕