កំពត: កម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋានខេត្តបានឃាត់ខ្លួនបុរសម្នាក់ ពាក់ព័ន្ធនឹងករណីផ្ទុះអាវុធ បង្កឲ្យមានការភ្ញាក់ផ្អើល កាលពីវេលាម៉ោង១២ថ្ងៃត្រង់ថ្ងៃទី៤ ខែកុម្ភ: នៅតាមផ្លូវលំក្នុងភូមិមាត់ពាម ឃុំម៉ាក់ប្រាង្គ ស្រុកទឹកឈូ។
បុរសខាងលើឈ្មោះ ហុក ចេង អាយុ៤៧ឆ្នាំ ជាមន្ត្រីនគរបាលបម្រើការងារនៅអធិការដ្ឋាននគរបាលស្រុកទឹកឈូ បានបាញ់កាំភ្លើងចំនួន២គ្រាប់ បណ្តាលឲ្យត្រូវស្ត្រីឈ្មោះ ឡាយ លី អាយុ៣៩ឆ្នាំ រងរបួសមួយគ្រាប់នៅក្រោមជង្គង់ខាងស្តាំ ។
មូលហេតុ៖ ដោយសារចោទប្តីស្ត្រីរងគ្រោះ ទៅលួចសហាយស្មន់ជាមួយប្រពន្ធរបស់ខ្លួន។
ក្រោយហេតុការណ៍ កម្លាំងការិយាល័យនគរបាលព្រហ្មទណ្ឌខេត្ត បានចុះទៅអន្តរាគមន៍ភ្លាមៗ ហើយឃាត់ខ្លួនមន្ត្រីនគរបាល ដែលជាខ្មាន់កាំភ្លើងនាំមកស្នងការដ្ឋានខេត្ត ដើម្បីសាកសួរ និងចាត់ការតាមនិតិវិធី៕
មតិយោបល់