Post News Media ព័ត៌មានជាតិ អគ្គិភ័យយ៉ាងស...

អគ្គិភ័យយ៉ាងសន្ធោសន្ធៅ លេបត្របាក់ផ្ទះមួយកន្លែង នៅខណ្ឌទួលគោក

ភ្នំពេញ: ករណីអគ្គិភ័យមួយ បានឆាបឆេះផ្ទះប្រជាពលរដ្ឋនៅជាន់ទី២ យ៉ាងសន្ធោសន្ធៅ បានបង្កឲ្យមានការភ្ញាក់ផ្អើល ដល់បងប្អូនប្រជាពលរដ្ឋរាយការណ៍ទៅសមត្ថកិច្ច ចេញរថយន្តពន្លត់អគ្គិភ័យជាច្រើនគ្រឿង ជួយអន្តរាគមន៍
កាលពីវេលាម៉ោង១០និង៣០យប់ថ្ងៃទី៨ ខែកុម្ភ:​ ឆ្នាំ២០១៩​ នៅចំណុចផ្ទះល្វេងមួយកន្លែង​ តាមបណ្តោយផ្លូវលេខ១៨២​ ស្ថិតក្នុងសង្កាត់ទឹកល្អក់ទី៣​ ខណ្ឌទួលគោក។

ប្រភពព័ត៌មានពីប្រជាពលរដ្ឋ បានឲ្យដឹងថា​ មុនពេលកើតហេតុ គេបានឃើញមានផ្សែងហុយ ចេញពីបន្ទប់ជាន់ទី២ បន្ទាប់មកក៏ចេញ ជាអណ្តាតភ្លើងយ៉ាងសន្ធោសន្ធៅ ភ្លាមៗនោះ ក៏បានរាយការណ៍ទៅសមត្ថកិច្ច ហៅរថយន្តពន្លត់អគ្គិភ័យជាច្រើនគ្រឿងមកអន្តរាគមន៍។

​សមត្ថកិច្ចបានឲ្យដឹងថា​ ករណីនេះ បានប្រើប្រាស់រថយន្តពន្លត់អគ្គិភ័យអស់ចំនួន២២គ្រឿង​ ដោយប្រើរយ:ពេល៣ម៉ោង ទើបអាចគ្រប់គ្រង់បានទាំងស្រុង។

មូលហេតុ៖ មកពីឆ្លងចរន្តអគ្គិសនី បានឆាបឆេះនៅជាន់ទី២ ក្នុងបន្ទប់ដាក់ឥវ៉ាន់ មានដូចជាចានឆ្នាំង​ ចាន់ដែកជ័រជាដើម៕