​ព្រះសីហនុ​ៈ នៅថ្ងៃទី​០៩ ខែកុម្ភៈ ឆ្នាំ២០១៩ វេលាម៉ោង ១៥និង២៥នាទី លើវិថីផែ ត្រង់ចំណុចកែងរ៉ាP4 ស្ថិតនៅក្នុងភូមិ៣ សង្កាត់លេខ៣ ក្រុងព្រះសីហនុ​ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កដោយរថយន្តបែនដឹកថ្ម មានទិសដៅពីភ្នំពេញ ឆ្ពោះមកខេត្តព្រះសីហនុ លុះបើកបរមកដល់ចំណុចខាងលើក៏ដាច់ហ្រ្វាំង ជ្រុលចូលទៅបុករថយន្តចំនួន ០២គ្រឿង ម៉ូតូ ០៣គ្រឿង និង ផ្ទះប្រជាពលរដ្ឋនៅតាមជាយផ្លូវបន្ថែមទៀត ។

​ហេតុការណ៍គ្រោះថ្នាក់នេះបណ្ដាលឲ្យស្លាប់មនុស្សម្នាក់​ ភេទស្រី​ និងរងរបួសមនុស្សចំនួន ០៤នាក់​ ស្រី ០២នាក់ ត្រូវបានបញ្ជូនទៅសង្គ្រោះនៅគ្លីនិកមិត្តភាពឃ្លាំងលើ ចំណែកអ្នកបើកបររថយន្តបង្ក រងរបួសធ្ងន់​ ។
បច្ចុប្បន្នរថយត្តបង្កត្រូវបានសមត្ថកិច្ចជំនាញយកទៅរក្សាទុក​ និងកសាងសំណុំរឿង​ ចាត់ចែងទៅតាមនីតិវិធី៕