ពោធិ៍សាត់ៈ កាលពីម៉ោង ២ និង២៥ នាទីរសៀលថ្ងៃទី ១១ ខែកុម្ភៈ ឆ្នាំ២០១៩ មានករណីគ្រោះថ្នាក់ចរាចរណ៍មួយ រវាងម៉ូតូបុករថយន្ត នៅកំណាត់ផ្លូវជាតិលេខ៥៥ ចន្លោះគីឡូម៉ែត្រលេខ៩០-៩១ ត្រង់ចំណុចដូនាគភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
ម៉ូតូម៉ាកវ៉េវអាល់ហ្វា ពណ៌ខ្មៅ គ្មានស្លាកលេខ ធ្វើដំណើរពីលិចទៅកើត បើកបរដោយឈ្មោះ សុខ ប៊ុយញេន ភេទប្រុស អាយុ ១៧ ឆ្នាំ (របួសធ្ងន់) និងអ្នករួមដំណើរ ០២ នាក់ មានឈ្មោះ ឈឿន មនោរា ភេទស្រី អាយុ ១៧ ឆ្នាំ (របួសធ្ងន់ ) និងឈ្មោះ ចាន់ ថន ភេទស្រី អាយុ ៣៥ ឆ្នាំ (ស្លាប់ពេលបញ្ជូនទៅមន្ទីពេទ្យ) ទាំង៣នាក់ ស្នាក់នៅភូមិឃុំខាងលើ បានជិះម៉ូតូជ្រុល ទៅបុករថយន្តម៉ាក ហ៊ីយ៉ាន់ដាយ ពណ៌សលាយខៀវ ពាក់ស្លាកលេខ កំពត 3A-0539 កំពុងចតលើកឈើគ្រឿងផ្ទះចាស់។
ក្រោយកើតហេតុអ្នកបើករថយន្ត បានរត់គេចខ្លួន ចំណែកវត្ថុតាងម៉ូតូ និងរថយន្ត សមត្ថកិច្ចយកមករក្សាទុកនៅអធិការដ្ឋាននគរបាលស្រុក។ មូលហេតុ៖ បើកមិនប្រកាន់ស្តាំ៕
មតិយោបល់