Post News Media ព័ត៌មានជាតិ បុរសវ័យចំណាស់...

បុរសវ័យចំណាស់ម្នាក់ រំលោភក្មេងស្រីអាយុ ១២ឆ្នាំ ត្រូវសមត្ថកិច្ចឃាត់ខ្លួន

ត្បូងឃ្មុំ: កាលពីវេលាម៉ោង ៣ និង៣០នាទីរសៀលថ្ងៃ១៤ ខែកុម្ភ: ឆ្នាំ ២០១៩ ប៉ុស្តិ៍នគរបាលរដ្ឋបាលកណ្តោលជ្រុំ នៃអធិការដ្ឋាននគរបាលស្រុកពញាក្រែក បានធ្វើការឃាត់ខ្លួនបុរសម្នាក់ ពាក់ព័ន្ធនឹងករណីរំលោភសេពសន្ថវ:លើអនីតិជន។

ការឃាត់ខ្លួននេះ ធ្វើទ្បើងក្រោយទទួលបានពាក្យបណ្តឹងពីអាណាព្យាបាល ជនរងគ្រោះថា៖ នៅថ្ងៃទី១០ ខែកុម្ភ: ឆ្នាំ២០១៩ វេលាម៉ោង៨យប់ នៅខេត្តត្បូងឃ្មុំ មានករណីរំលោភសេពសន្ថវ: (លើអនីតិជន)។

ជនសង្ស័យឈ្មោះ ទិត្យ ណាក់ ភេទប្រុស អាយុ៥៤ឆ្នាំ ជាតិខ្មែរ បានធ្វើសកម្មភាពចាប់រំលោភទៅលើជនរងគ្រោះឈ្មោះ ន ស.រ ភេទស្រី អាយុ១២ឆ្នាំ ជាតិខ្មែរ ទាំង០២នាក់នៅភូមិ-ឃុំកើតហេតុខាងលើជាមួយគ្នា ។

បច្ចុប្បន្នជនសង្ស័យខាងលើ ត្រូវបានបញ្ជូនខ្លួនមកកាន់អធិការដ្ឋាននគរបាលស្រុក ដើម្បីចាត់ការតាមនីតិវិធី៕