បាត់ដំបង: នៅវេលាម៉ោង១១និង៣០នាទីព្រឹកថ្ងៃទី ១៦ ខែកុម្ភ: ឆ្នាំ២០១៩ មានករណីអគ្គិភ័យមួយឆេះ នៅខារ៉ាអូខេ KTV «កោះតៃវ៉ាន់ថ្មី» ត្រង់ចំណុចក្រុមទី១៦ ភូមិទួលតាឯក សង្កាត់ទួលតាឯក ក្រុងបាត់ដំបង។
មូលហេតុ៖ បណ្តាលមកពីឆ្លងចរន្តអគ្គិសនី។
ករណីអគ្គិភ័យនេះ ដោយសារស្ថានភាពភូមិសាស្រ្តផ្លូវចូលមានលក្ខណ:តូចចង្អៀត ហើយមានខ្សែអគ្គិសនីឆ្លងកាត់ផ្លូវទាបៗពេកជាហេតុធ្វើឲ្យរថយន្តអគ្គិភ័យ មិនអាចចូលទៅកៀកទីតាំងកើតហេតុបានទ្បើយ ដែលតម្រូវឲ្យកម្លាំងនគរបាល តទុយោរាប់រយម៉ែត្រពីផ្លូវធំ ចូលទៅទីកន្លែងកើតហេតុ ទើបបាញ់ពន្លត់ និងគ្រប់គ្រងស្ថានការណ៍បាន ។
ទោះបីជាយ៉ាងណាក៏ដោយ លំនៅដ្ឋានមួយខ្នង និងទ្រព្យសម្បត្តិនៅក្នុងនោះផង ត្រូវបានអគ្គិភ័យលេបត្របាក់អស់ស្ទើរទាំងស្រុង ប៉ុន្តែមិនបានបណ្តាលឲ្យមានគ្រោះថ្នាក់ដល់មនុស្សទេ៕
មតិយោបល់