កណ្ដាល: រថយន្តបែនដឹកដី បើកបុកគូទរថយន្តលាយបេតុង ជ្រុលរេចង្កូតទៅបុកស្ដ្រីអ្នកដំណើរថ្មីជើងម្នាក់ ស្លាប់យ៉ាងអាណោចអាធ័ម កាលពីវេលាម៉ោង០៧និង៣០នាទី ថ្ងៃទី០៨ ខែកក្កដា ឆ្នាំ ២០១៦ ត្រង់ចំណុចភូមិអញ្ចែង លើឃុំពុកឫស្សី ស្រុកខ្សាច់កណ្តាល ខេត្តកណ្តាល។
សមត្ថកិច្ច បានឲ្យដឹងថា ជនរងគ្រោះ ស្ត្រីដែលស្លាប់នោះ មានឈ្មោះ មួង ថន អាយុ៥៩ឆ្នាំ នៅភូមិអញ្ចែង លើឃុំព្រែកតាមាក់ ស្រុកខ្សាច់កណ្ដាល ខេត្តកណ្តាល។ សមត្ថកិច្ច បន្ដថា រថយន្តម៉ាកបុកស័រ ប្រភេទដឹកដី ពណ៌ខៀវ ពាក់ស្លាកលេខភ្នំពេញ 3A-4482 បើកបរដោយឈ្មោះ អ៊ុក រិទ្ធី ភេទប្រុស អាយុ ៣៥ឆ្នាំ នៅភូមិអន្លង់ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។
សមត្ថកិច្ច បានបន្ដទៀតថា រថយន្ដបង្ក បើកបរក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ បានបុកគូទរថយន្តលាយបេតុង ពីខាងក្រោយពាក់ស្លាកលេខ ភ្នំពេញ 5A1075 ទិសដៅស្របគ្នា ហើយក៏រេចង្កូតមកបុកអ្នកថ្មើរជើងម្នាក់ឈ្មោះ មួង ថន ភេទស្រីអាយុ៥៩ឆ្នាំ នៅភូមិអញ្ចែង លើឃុំព្រែកតាមាក់ ស្រុកខ្សាច់ កណ្ដាល ខេត្តកណ្តាល បណ្ដាលឲ្យ ស្លាប់នៅ នឹងកន្លែងកើតហេតុ នាចិញ្ចើមផ្លូវខាងលិច ចំណែកអ្នកបើកបរ រថយន្តត្រូវបានឃាត់ខ្លួន បញ្ជូន មកអធិការដ្ឋាន នគរបាលស្រុក ជាមួយ និងវត្ថុតាងរថយន្តផងដែរ៕
មតិយោបល់