Post News Media ព័ត៌មានជាតិ គ្រូបង្រៀននៅស...

គ្រូបង្រៀននៅសាលា Bejin International School ដែលជាជនជាតិអាមេរិកម្នាក់ រួមទាំងបុរសជាជនជាតិបារាំងម្នាក់ត្រូវសមត្ថកិច្ចឃាត់ខ្លួនករណី…

ភ្នំពេញ: នៅថ្ងៃទី១៩ ខែកុម្ភ: ឆ្នាំ២០១៩ វេលាម៉ោង០១និង៣០នាទី ការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានទទួលជនបរទេស ចំនួន០២នាក់ប្រុសមាន ០២សញ្ជាតិ៖
១.ឈ្មោះ EDWARD MARISPINI ភេទប្រុស អាយុ៥១ឆ្នាំ ជនជាតិអាមេរិក ពីខាងតំណាងស្ថានទូតអាមេរិកប្រចាំនៅប្រទេសកម្ពុជា ពីបទ បង្កការអុកឡុក និងគ្មានលិខិតឆ្លងដែនជាប់នឹងខ្លួន។ ជននេះចូលមក ប្រទេសកម្ពុជាលើកដំបូង នៅថ្ងៃទី០៨ ខែមករា ឆ្នាំ២០១៩ តាមច្រកអាកាសយានដ្ឋានអន្តរជាតិភ្នំពេញ មុខរបរគ្រូបង្រៀននៅសាលា Bejin International School។ បច្ចុប្បន្នស្នាក់លើសទិដ្ឋាការរយ:ពេល ១១ថ្ងៃ និងគ្មានលិខិតឆ្លងដែនជាប់នឹងខ្លួន។
២.ឈ្មោះ GARCIA RENAUD ALEXANDRE ភេទប្រុស អាយុ៤៤ឆ្នាំ ជនជាតិបារាំង ពីកម្លាំងនគរបាលប៉ុស្ដិ៍រដ្ឋបាលផ្សារកណ្ដាលទី១ ខណ្ឌដូនពេញ រាជធានីភ្នំពេញ ពីបទ មានសតិមិនប្រក្រតី។ ជននេះចូលមក ប្រទេសកម្ពុជាលើកដំបូង នៅថ្ងៃទី២៥ ខែឧសភា ឆ្នាំ២០១៨ តាមច្រកត្រពាំងគ្រៀល គោលបំណងទេសចរណ៍។ បច្ចុប្បន្ន ស្នាក់នៅលើសទិដ្ឋាការផុតកំណត់នៅថ្ងៃទី១១ ខែមករា ឆ្នាំ២០១៩ និងមានសតិមិនប្រក្រតី។ត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់៕

Loading...