Post News Media ព័ត៌មានជាតិ លួច​ខ្សែដៃ​មា...

លួច​ខ្សែដៃ​មាសថៅកែ​លក់​គ្រឿងអលង្ការ សមត្ថកិច្ចឃាត់ខ្លួន

​ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នគរបាល​ខណ្ឌ​ច្បារ​អំពៅ​ បាន​ឃាត់ខ្លួន​ជនសង្ស័យ​ម្នាក់​ ពី​បទ​លួច​ខ្សែដៃ​មាស​ នៅផ្ទះ​លេខ​៥២​ ផ្លូវ​៦២២​ ភូមិ​កណ្តាល​ សង្កាត់​ច្បារ​អំពៅ​ទី​២​ ខណ្ឌ​ច្បារ​អំពៅ​ កាលពី​ថ្ងៃ​ទី​២៤​ ខែកុម្ភ:​ ឆ្នាំ​២០១៩​ វេលា​ម៉ោង​១១​និង​០០​នាទី​។​

​ជន​រង​គ្រោះ​ឈ្មោះ​ គី​ម​ ណ​យ​ ភេទ​ស្រី​ អាយុ​៥៥​ឆ្នាំ​ ជនជាតិ​ខ្មែរ​ មុខរបរ​ លក់​គ្រឿងអលង្ការ​ ស្នាក់​នៅផ្ទះ​កើតហេតុ​។​ ជនសង្ស័យ​ឈ្មោះ​ ទួន​ ភា​ ភេទ​ស្រី​ អាយុ​៥៨​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ​ ស្នាក់​នៅ​ភូមិ​ថ្មី​ សង្កាត់​សេរីភាព​ ក្រុង​តា​ខ្មៅ​ ខេត្តកណ្តាល​។​

​កាលពី​ថ្ងៃ​ទី​២៤​ ខែ​កុ​ម្ភ:​ ឆ្នាំ​២០១៩​ វេលា​ម៉ោង​១១​និង​០០​នាទី​ ជន​រង​គ្រោះ​កំពុង​លក់​គ្រឿងអលង្ការ​នៅផ្ទះ​កើតហេតុ​ ស្រាប់តែ​ជនសង្ស័យ​ដើរ​ចូល​មក​ធ្វើ​ជា​រក​ទិញ​គ្រឿងអលង្ការ​ពី​ជន​រង​គ្រោះ​ រួច​ឲ្យ​ជន​រង​គ្រោះ​យក​ខ្សែដៃ​មាស​១​ខ្សែ​ ទម្ងន់​២​ជី​ មក​មើល​ ជនសង្ស័យ​ក៏​យក​ខ្សែដៃ​មាស​ជន​រង​គ្រោះ​មក​ពាក់​ដៃ​“​ល​”​មើល​ ពេល​នោះ​ជន​រង​គ្រោះ​រវល់​លក់​ភ្លេចខ្លួន​ ជនសង្ស័យ​ក៏​ដោះ​ខ្សែដៃ​មាស​កាន់​ក្តាប់​ជាប់ដៃ​ខាងឆ្វេង​ដើរ​ចេញ​គេចខ្លួន​បាន​បន្តិច​ ក៏​ត្រូវ​បាន​ជន​រង​គ្រោះ​ក្រឡេក​ឃើញ​ស្រែក​ ចោរៗ​ រួច​ឃាត់ខ្លួន​ជនសង្ស័យ​ រួម​និង​វត្ថុ​តាង​ខ្សែដៃ​មាស​ខាងលើ​ប្រគល់​ឲ្យ​សមត្ថកិច្ច​នគរបាល​ខណ្ឌ​ច្បារ​អំពៅ​៕

Loading...