Post News Media ព័ត៌មានជាតិ អាត្នោត ជាប់ខ...

អាត្នោត ជាប់ខ្នោះរបស់សមត្ថកិច្ច ដោយរំលោភសេពសន្ថវ:ជាមួយអនីតិជន

ភ្នំពេញ: យុវជនម្នាក់ត្រូវសមត្ថកិច្ចឃាត់ខ្លួនករណី រំលោភសេពសន្ថវ: លើអនីតិជនអាយុ១៤ឆ្នាំ កាលពីថ្ងៃទី២៣ ខែកុម្ភ: ឆ្នាំ២០១៩ វេលាម៉ោង១៨និង០០នាទី ត្រង់ចំណុចផ្ទះសំណាក់សំណព្វចិត្ត បន្ទប់លេខ១១៨ ផ្លូវ២១៧ ស្ថិតនៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ។

ក្មេងស្រីរងគ្រោះឈ្មោះ អ ម យ ភេទស្រី អាយុ១៤ឆ្នាំ មុខរបរសិស្ស មានទីលំនៅ ស្រុកកណ្តាលស្ទឹង ខេត្តកណ្តាល ។

ក្រោយពីទទួលពាក្យបណ្តឹងនៅថ្ងៃទី២៥ ខែកុម្ភ: ឆ្នាំ២០១៩ វេលាម៉ោង១២និង០០នាទី សមត្ថកិច្ចបានឃាត់ខ្លួនជនសង្ស័យចំនួន០១នាក់ ឈ្មោះ ជឿង វីរោត ហៅ ត្នោត ភេទប្រុស អាយុ២០ឆ្នាំ មុខរបរកម្មកររោងចក្រ មានទីលំនៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល (គ្មានសារធាតុញៀន។
ព្រមទាំង ម៉ូតូម៉ាកស៊ុយស៊ូគីនិច ពណ៌ខ្មៅលាយក្រហម ពាក់ស្លាកលេខកណ្តាល 1Z-4661 និង ២ទូរស័ព្ទដៃម៉ាកអាហ្វូនហ្វាយពណ៌ទឹកប្រាក់ ១គ្រឿង ។

នៅមុនពេលកើតហេតុ កាលពីថ្ងៃទី២៣ ខែកុម្ភ: ឆ្នាំ២០១៩ វេលាម៉ោង១៦និង០០នាទី ក្មេងស្រីរងគ្រោះមានទាក់ទងទៅជនសង្ស័យឈ្មោះ ជឿង វីរោត ហៅ ត្នោត ភេទប្រុស អាយុ២០ឆ្នាំ រួចក៏បាននិយាយសួរជនសង្ស័យថា បងឯង ដើរលេងអត់ ហើយជនសង្ស័យឆ្លើយថា កំពុងធ្វើការដល់ម៉ោងបួន (ម៉ោង០៤និង០០នាទី) ទើបចេញពីធ្វើការ រហូតមកដល់ម៉ោង០៤និង០០នាទី ថ្ងៃខែឆ្នាំដដែល ជនសង្ស័យក៏បានបើកម៉ូតូម៉ាកស៊ុយស៊ូគីនិច ពណ៌ខ្មៅលាយ ក្រហម ពាក់ស្លាកលេខកណ្តាល 1Z-4661 ម្នាក់ឯងទៅឌុបក្មេងស្រីរងគ្រោះចេញពីស្រុកកណ្តាលស្ទឹង ខេត្តកណ្តាល ។ បន្ទាប់មកជនសង្ស័យក៏បានឌុបក្មេងស្រីរងគ្រោះទៅអង្គុយលេងនៅក្នុងកញ្ចុះ ម្លប់ស្បូវ ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ បាននាំគ្នាហូបមឹកបង្គាឆាអស់ចំនួន០១ ចាន និងពោតឆា០១ចាន ហើយផឹកទឹកស្ទីងចំនួន០១កំប៉ុង០២នាក់ រួចគិតលុយចេញ ។ ហើយជនសង្ស័យក៏បាន ឌុបក្មេងស្រីរងគ្រោះទៅចូលដេកក្នុងផ្ទះសំណាក់សំណព្វចិត្តក្បែររង្វង់មូលគួរស្រូវ ផ្លូវ២១៧ ស្ថិតនៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ដេកបន្ទប់លេខ១១៨ ក្រោយមកជនសង្ស័យក៏បានរួមភេទជាមួយក្មេងស្រីរង គ្រោះបានសម្រេចចំនួន០១លើក ។ រហូតដល់វេលាម៉ោង០៦និង០០នាទី ថ្ងៃខែឆ្នាំដដែល ជនសង្ស័យក៏បានឌុបក្មេងស្រីរងគ្រោះទៅដល់ផ្ទះ វិញ ពេលទៅដល់ផ្ទះម្តាយបង្កើតរបស់ក្មេងស្រីរងគ្រោះមានការសង្ស័យដោយឃើញក្មេងស្រីរងគ្រោះដើរឆ្លេឆ្លាចុះឡើងក្នុងផ្ទះពុំឈប់ស្ងៀមសោះ ក៏បានសួរនាំក្មេងស្រីរងគ្រោះ ទើបដឹងរឿងរ៉ាវខាងលើ ហើយបាននាំក្មេងស្រីរងគ្រោះ ទៅរាយការណ៍ប្រាប់សមត្ថកិច្ចប៉ុស្តិ៍នគរបាលរដ្ឋបាលសៀមរាប នៃអធិការដ្ឋាននគរបាលស្រុកកណ្តាលស្ទឹង ខេត្តកណ្តាល ឲ្យជួយអន្តរាគមន៍ ។ លុះមកដល់ថ្ងៃទី២៥ ខែកុម្ភ: ឆ្នាំ២០១៩ វេលាម៉ោង១២និង០០នាទី សមត្ថកិច្ចធ្វើការស្រាវជ្រាវឃាត់ខ្លួនជនសង្ស័យខាងលើ បានត្រង់ចំណុចរោងចក្រកាត់ដេរ ចេងហាវហ្វេសិន ស្ថិតនៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល រួមនឹងវត្ថុតាង យកមកធ្វើការសាកសួរនៅអធិការដ្ឋាននគរបាលខណ្ឌដង្កោតាមនីតិវិធីច្បាប់ ។ ក្រោយពីធ្វើការសាកសួរជនសង្ស័យបានឆ្លើយសារភាពប្រាប់សមត្ថកិច្ចយើងថា រូបគេ (ជនសង្ស័យ) និងក្មេងស្រីរងគ្រោះ បានទំនាក់ទំនងស្រលាញ់គ្នាទៅវិញទៅមកតាមរយ:ទូរស័ព្ទ និងការផ្ញើសារ រយ:ពេល០១ខែកន្លងមកហើយ រួចដល់ថ្ងៃកើតហេតុខាងលើ ក៏បានណាត់គ្នាដើរលេង ហើយក៏ចូលដេកផ្ទះសំណាក់រួមភេទជាមួយគ្នាបានសម្រេចចំនួន០១លើក តែម្តង ៕

Loading...